Xəbərlər
17 may 2017
2 615
Məktəblərdə narkomaniya və alkoqolizmi ifşa edən iri lövhələr vurulmalıdır
CƏNUB BÖLGƏSİNDƏKİ NARKODURUM HAMIMIZI NARAHAT ETMƏLİDİR
Statistik məlumata əsasən Azərbaycanda 30 mindən artıq narkotika və psixatrop maddələrin aludəçisi vardır. Cənub bölgəsində, təkcə Lənkəran rayonu ərazisində bu bəlaya düçür olanların sayi 2000-dən bir qədər artıqdır. Lənkəran Rayonlararası Narkoloji Xəstəxananın baş həkimi Vüqar Əliyevin sözlərinə görə bu xəstələrin sayı Lənkəranda hətta 5000-ə yaxındır. Lerik rayonunda narkotika aludəçilərinin sayı 70 nəfər olsa da, faktiki olaraq bu rəqəm 100-ə yaxındır. Astara rayonunda narkodurum daha acınacaqlıdır. Televiziya və mətbuatdan gördüyümüz kimi, burada narkotikanın qəbulu və satışına cəlb edilənlər arasında qadınların sayı kifayət qədər çoxdur. Masallı, Yardımlı və Cəlilabad ryonlarında da narkotika istifadəçilərinin sayı ilbəil artır. Hesab edirik ki, həyəcan təbili çalmağın zamanı çoxdan çatmışdır. Hətta gecikirik. Bunun üçün nə etməli, hansı tədbirlət görülməlidir? Mütəxəssislərin fikrincə bu bəlanın əsirinə çevrilənlər, yəni narkotik aludəçisinə çevrilənlərin bu yoldan qaytarılması faizi çox cüzidir. Yəni yaşadığı mühitdən, aldığı müalicədən və digər zəruri tədbirlərdən asılı olaraq, hər yüz nəfərdən yalnız 3-5 nəfəri bu bəladan xilas etmək olur. Deməli biz qarşımıza yalnız o məqsədi qoymalıyıq ki, bölgədə, hətta ümumən respublikada narkomanların sayı çoxalmasın. Bir sözlə çıxış yolunu yalnız cəmiyyətin narkomaniyaya qarşı maariflənməsində görmək lazımdır. Orta məktəblərdə ciddi maarifləndirici addımlar atılmalıdır. Vəsaitlət çap edilməli, bu vəsaitlətdə narkoloji bəla bütün çılpaqlıqlarına qədər gənclərimizə izah edilməlidir. Məktəblərdə, kitabxanalarda, şəhərin mərkəzi küçələrində narkomaniya və alkoqolizmi ifşa edən iri lövhələr vurulmalıdır. Bütün bunlarla paralel olaraq hüquq mühafizə tədbirləri də gücləndirilməlidir. Narkotik maddələrin satışına ciddi qadağalar olmalıdır.
Cənub bölgəsi Orta Asiya ölkələrinin Azərbaycan, Rusiya və digər olkələrlə əlaqəsinin ən münasib dəhlizidir. Ölkəmizə və bizə yaxın ölkələrə narkotok vasitələrin gətirilməsi bu dəhliz vasitəsi ilə həyata keçirilir. Sərhəddən narkotik vasitələtin və psixotrob maddələrin keçirilməsinin qarşısının alınması, bölgədə problemin aradan qalxmasının 100% qarantıdır.
Cənub bölgəsindəki narkodurum hamimizi narahat etməlidir. Çünki buradakı vəziyyət daha acınacaqlıdır. "Yayım” Assosiasiyası may ayının 5-dən başlayaraq Lənkəran şəhərində məktəblərdə narkomaniya, alkoqolizm və digər zərərli vərdişlərlə mübarizəyə dair maarifləndirici tədbirlər keçirir. Bu tədbirlərə cəlb edilən uşaqlara narkomaniyanın zərəri, onun törətdiyi fəsadlar haqqında məlumat verərkən gənclərimizdə narkomaniyaya qarşı nifrət hissinin yarandığının əyani şahidi olursan. Deməli hədəf doğru və yerində təyin edilmişdir. Keçirdiyimiz görüşlərin aktuallığını nəzərə alaraq DİN Narkotiklərlə Mübarizə İdarəsinin Cənub regionu üzrə Bölməsi, Lənkəran Rayonlararası Narkoloji Xəstəxanası bizimlə tədbirlərdə fəal iştirak edir.
Ümid edirik ki, bu sahədə daha ciddi və səmərəli tədbirlər keçiriləcəkdir.
Yaşar Zeynalov
aztehsil.com
