Məktəbli düşərgələrinin qiyməti əl yandırır - Uşaqlar yayı necə keçirsinlər?
Artıq tədris ili sona çatıb. Təbii ki, hər bir valideyn istəyir ki, övladı yay tətilində vaxtını səmərəli keçirsin. Bunun üçün övladlarını yay düşərgələrinə yollamaq istəyənlər də az deyil. Lakin qiymətlər heç də hər kəsin büdcəsinə uyğun deyil.
Yay düşərgəsi təşkil edən bir neçə məktəblə əlaqə saxladıq. Məlum oldu ki, məktəblər şəhərdən kənardakı istirahət mərkəzlərində otaqlar kirayələyir və uşaqlar orada dincəlirlər.
Məktəblərin birindən bildirildi ki, bir şagirdin Bakı ərazisində altı gün beş gecə yay düşərgəsinə qatılması üçün valideyn 600-700 manat pul ödəməlidir.
Digər məktəbdən isə bildirildi ki, düşərgə həftə içi hər gün 09:00-18:00 arası keçirilir. Düşərgənin bir növbəsi beş gün davam edir. Bir növbə üçün 299 manat, iki növbə üçün 549 manat, dörd növbə üçün isə 1099 manatdır. Düşərgəyə 6-15 yaşlı uşaqlar qəbul olunurlar.
Bir ailədən iki uşaq düşərgədə iştirak edən zaman qiymətə 10 faiz endirim edilir.
Deputat Ceyhun Məmmədov saytımıza açıqlamasında bildirib ki, bu gün şagirdlərin yay tətilində vaxtlarının səmərəli təşkili xüsusi əhəmiyyət daşıyır:
“Sovet Sosialist Respublikaları İttifaqı dövründə yay düşərgələri var idi. Hazırda isə bu düşərgələr yoxdur, olsa da, kütləvi təşkil edilmir. Hesab edirəm ki, şagirdlərin vaxtlarını səmərəli keçirmək, bilik və bacarıqlarını artırmaq üçün yay düşərgələrinin təşkili önəmlidir.
Əksər valideynlərin bir qayğısı var ki, uşaqları yay aylarında tətillərini səmərəli keçirə bilmirlər, zərərli təsirlərə məruz qalırlar. Bu baxımdan gənclərin vaxtlarının təşkili önəm və əhəmiyyət daşıyır. Bu gün bu məsələyə baxılmalı və gələcəkdə bu istiqamətdə müəyyən addımlar atılmalıdır”.
Qeyd edək ki, ötən ildən məktəblərdə iki həftəlik “Yay məktəbi” təşkil edildi. Məqsəd şagirdlərin zəruri bilik və bacarıqlarının möhkəmləndirilməsi, öyrənilənlərin ümumiləşdirilməsi idi.
Bu il də “Yay məktəbi” təşkil ediləcək. Birinci sinifdən başlayaraq 10-cu sinfə qədər hər kəs qatıla bilər. İyun ayının sonuna qədər müəllimlər dərs yükünə uyğun maaş aldıqları üçün əlavə ödəniş nəzərdə tutulmur.
Əlavə ödənişin olmadığı üçün müəllimlər də “Yay məktəbi”nin təşkilindən narazıdırlar.
Saytımıza danışan müəllimlərdən biri bildirdi ki, isti yay günündə əlavə dərslərin keçirilməsi çətindir:
“İl ərzində uşaqlarla məşğul oluruq. Yenidən “Yay məktəbi”ndə onlarla işləmək çətindir. Hava isti olur, onlar məktəbdə olmaq istəmirlər. Dərslər arasında fasilələr olanda da uşaqları yenidən dərs üçün bir yerə yığa bilmirik”. oxu.az
"İstər bunun adı “pioner” olmasın, istərsə də başqa bir “milli” ad olsun"....
Görülən tədbirlərin nəticəsi həm kəmiyyətdə, həm də keyfiyyətdə özünü göstərib
Təhsil müəssisəsinin maddi-texniki bazası və təhsil infrastrukturu normativləri
Təhsil müəssisəsinin maddi-texniki bazası və təhsil infrastrukturu normativləri
Çox vacib məsələ ilə bağlı təhsil ekspertinin Rəyi
Prezident İlham Əliyev ADA Universitetində keçirilən "Cənubi Qafqaza yeni baxış: münaqişədən sonra inkişaf və əməkdaşlıq" adlı beynəlxalq konfransda iştirak edib
Təhsil müəssisələrinin tikintisinə dair vahid normalar -1.Məktəbəqədər təhsil müəssisələri
Məktəblər nə zaman bağlanacaq – Nazirin yeniliyi şagirdlərə nə verəcək?
Bakı təhsili: təqvim ilinin təhsil mənzərəsi
Nadir Israfilov:”Təhsildə varisliyin və fasiləsizliyin təmin edilməsinin…”
Nadir İsrafilov: “Uşağın tərbiyəsinə onu tanımaqla başlamalıyıq.”
AZƏRBAYCAN RESPUBLİKASININ ÜMUMTƏHSİL SİSTEMİNDƏ QİYMƏTLƏNDİRMƏ KONSEPSİYASI
2020-2021-ci dərs ili üçün I sinfə şagird qəbulu ilə bağlı suallar və onların cavabları
2020-2021-ci tədris ili üçün ümumi təhsil müəssisələrinin I sinfinə şagird qəbulunun elektron sistem vasitəsilə həyata keçirilməsinə dair SUAL-CAVAB
Direktor olmaq istəyənlər - Qaninvericilikdən testlər cavablarla
Keyfiyyətsiz dərsliklər üçün cavabdehlik yoxdur- Təhsilalanları qane edirmi?
Ümumtəhsil Məktəblərində Məktəbdaxili Qiymətləndirmənin Aparılması barədə TƏLİMAT
Məzuniyyətlər haqqında AZƏRBAYCAN RESPUBLİKASININ QANUNU
Bakıdakı özəl məktəblərdə qiymətlər - REPORTAJ
“Azərbaycan qəhrəmanı” virtual düşərgəyə start verilib
Ümumtəhsil müəssisələrində işəgötürənlə pedaqoji işçilər arasında əmək müqaviləsinin bağlanmasına dair T Ö V S İ Y Ə L Ə R
Zalda hər tələbə üçün xüsusi ofis yaradılıb..Dünyanın ən maraqlı altı məktəbi- FOTOLAR
Ümumtəhsil məktəbləri üçün müəssisədaxili nümunəvi intizam qaydaları
"Təhsildə yeni keyfiyyət mərhələsi başlayır" Azərbaycan Respublikasının Təhsil Naziri Mikayıl Cabbarovun “Azərbaycan” qəzetinə müsahibəsi