Xəbərlər
11 may 2017
3 528
Daha 12 mindən çox müəllimin diaqnostik qiymətləndirilməsinə başlanılıb
Mayın 11-də növbəti diaqnostik qiymətləndirməyə start verilib.
Aztehsil.com xəbər verir ki, Təhsil Nazirliyindən APA-ya verilən məlumata görə, qiymətləndirmə Qax Olimpiya İdman Kompleksində keçirilir.
5 gün ərzində Qax, Qəbələ, Şəki, Zaqatala, Balakən, Oğuz, həmçinin bu rayonlarda yerləşən Ağdam, Laçın, Kəlbəcər və Xocalı rayonlarının ümumi təhsil müəssisələrində çalışan müəllimlərinin diaqnostik qiymətləndirilməsi aparılacaq. Qiymətləndirmədə 12 mindən çox müəllim iştirak edəcək.
Diaqnostik qiymətləndirməyə ilk peşə-ixtisas təhsili müəssisələrində ümumtəhsil fənlərini tədris edən müəllimlər də qatılacaq.
Diaqnostik qiymətləndirmənin nəticələrinə əsasən müəllimlərin bilik və bacarıq səviyyələri müəyyənləşdiriləcək, onların dərs yükü norması və əməkhaqqı artırılmaqla maddi rifahı yaxşılaşdırılacaq. Həmçinin həmin müəllimlər inkişafyönümlü təlimlərə cəlb ediləcəklər.
