Xəbərlər
05 may 2017
3 308
Uşaq musiqi məktəblərində silsilə tədbirlər keçirildi
Sumqayıt şəhər Q.Qarayev adına uşaq musiqi məktəbində keçirilən caz musiqisinə həsr olunmuş konsertdə cazın yaranma tarixi haqqda məlumat verilib. Azərbaycanda cazın yaradıcıları Tofiq Quliyev, Niyazi, Salman Qəmbərov, Rauf Hacıyev, Tofiq Əhmədov, Vaqif Mustafazadə kimi görkəmli şəxsiyyətlərin caz musiqisinə verdiyi töhfələr haqqında söhbət açılıb.
Sonda şagirdləriin ifasında Azərbaycan və Avropa bəstəkarlarının caz əsərləri maraqla dinlənilib.
Sumqayıt şəhər TET gimnaziyanın şagirdləri S.Rüstəmov adına uşaq incəsənət məktəbinə ekskursiyada olublar. Ekskursiya zamanı şagirdlər məktəbin yeni inşa edilmiş binası, sinif otaqları ilə yaxından tanış olub, keçirilən dərs prosesini maraqla izləyiblər. Qonaqlara məktəbin fəaliyyəti, şagirdlərin qazandığı uğurlar və musiqi alətləri haqqında geniş məlumat verilib.
Məktəbdə həmçinin qarmon şöbəsi şagirdlərinin konserti də keçirilib. Konsertdə Azərbaycan xalq mahnıları və instrumental musiqilər səslənib.
Daha bir tədbir isə Şuşa şəhər Bülbülcan adına uşaq musiqi məktəbində baş tutub. Məktəbdə Xalq Çalğı Alətləri şöbəsinin konserti müəllim və şagird heyəti tərəfindən maraqla qarşılanıb. Konsertdə Azərbaycan xalq və bəstəkar mahnıları ifa olunub. Fəqlənən şagirdlər fəxri fərman və diplomlamlara təltif olunublar.
