![](/templates/everydayyeni/images/aygunbaner.png)
Azərbaycan dünyanın ən zəngin, coğrafi mövqeyi mükəmməl olan bir regionunda yerləşir.
Azərbaycan dünyanın ən zəngin, coğrafi mövqeyi mükəmməl olan bir regionunda yerləşir. Ona görə hər zaman düşmənlərin diqqətində olmuşdur.
Bu düşmənlərin ən təhlükəlisi erməni xalqıdır. İki əsrə qədər davam edən erməni – Azərbaycan müharibəsi 90-ci illərdə dahada böyüdü. Torpağımızın 20%-ini işğal edən ermənilər torpağımıza sahib çıxmışdılar. Ancaq gündən – günə böyüyən yüksələn Azərbaycan Dövləti bu torpağı düşmən tapdağı altında qoya bilməzdi. 21-ci əsr Azərbaycan tarixinin ən parlaq səhifəsi yazıldı. Bu tarix bizə İlham Əliyev kimi şəxsiyyətin sayəsində yazıldı.
Düzgün siyasəti nəticəsində dünya dövlətlərinə ermənilərin Azərbaycan torpaqlarını işğal etdiyini sübut etdi. 2016-cı il aprel döyüşləri nəticəsində bir sıra strateji ərazilər geri qaytarıldı. 2020- ci il sentyabr ayının 27-də başlanan Vətən Müharibəmiz bizi 44 gün ərzində qələbəyə apardı. 44 günlük müharibə ərzində Azərbaycanın Cəbrayıl, Füzuli, Qubadlı, Zəngilən torpaqları o, cümlədən mühüm strateji nöqtələr işğaldan azad edildi. Azərbaycan üçün əsas strateji nöqtə olan Şuşanın azad edilməsi müharibənin gedişinə dönüş yaradacaqdı. Buna görə də bütün hərbi güc və bütün komanda heyyəti Şuşa əməliyyatı üçün hazır idi. Şuşa əməliyyatı keşirilməsi nəticəsində 8 noyabrda işğaldan azad edildi. Şuşanın işğaldan azad edilməsini İlham Əliyev özü canlı yayımda Şəhidlər Xiyabanında bildirdi.
Hətta vurğuladı ki, mən xoşbəxt oğulam ki, atamın nəsiyyətini yerinə yetirdim. Şuşanın azad edilməsi müharibədə ermənilərin öz məğlubiyyətlərini etiraf etmələrinə gətirib çıxaran həlledici döyüş olmuşdur. Şuşanın azad edilməsindən sonra qondarma rejimin rəhbər vəzifəli şəxsləri başda olmaqla demək olar, bütün sakinlər Xankəndini tərk etməyə başlamışdır. Döyüşdən bir neçə gün sonra Ermənistan məğlubiyyəti qəbul etməyə məcbur oldu.
Noyabrın 9-dan 10- na keçən gecə Azərbaycan Respublikasının Prezdenti İlham Əliyev Ermənistan Respublikasının Baş Naziri Nikol Paşinyan və Rusiya Federasiyasının Prezidenti Vladimir Putin birgə bəyanat qəbul etdilər. 2020 -ci il Şuşa əməliyyatından sonra erməni xalqı artıq məğlubiyyətini özü başa düşdü. 2020-ci il 10 noyabrda kaputuliyasiya imzalandı, Azərbaycan ordusu tərəfindən hərbi əməliyyat nəticəsində işğaldan azad edilməmiş rayonlarımız təhvil verildi. Müharibə bitəndən sonra Azərbaycanın Ali baş Komandanı İlham Əliyev Şəhidlərimizi və Qazilərimizi qiymətləndirdi. 8 noyabr Zəfər Günü və 27 sentyabr Anım Günü təsis edildi. Canlarını Azərbaycan Respublikasının ərazi bütövlüyü yolunda qurban vermiş Vətən müharibəsi şəhidlərinin əziz xatirəsi dekabrın 4-də saat 12:00-da bir dəqiqəlik sükutla yad edildi.
Prezident Azərbaycan Respublikasının ərazi bütövlüyünün müdafiəsi ilə əlaqədar yaralananların və şəhid ailələrinin təminatına dəstək üçün “YAŞAT” Fondunun yaradılması haqqında Fərman imzaladı. - “Vətən Müharibəsi Qəhrəmanı” fəxri adı, “Zəfər” və “Qarabağ” ordenləri, “Cəsur döyüşçü”, “Döyüşdə fərqlənməyə görə”, “Suqovuşanın azad olunmasına görə”, “Xocavəndin azad olunmasına görə”, “Füzulinin azad olunmasına görə”, “Zəngilanın azad olunmasına görə”, “Qubadlının azad olunmasına görə”, “Şuşanın azad olunmasına görə”, “Kəlbəcərin azad olunmasına görə”, “Ağdamın azad olunmasına görə”, “Laçının azad olunmasına görə” və digər medallar təsis edildi. Bu 44 günlük müharibədə yaşadığım Qımır kəndindən 70 nəfərdən yuxarı gənclərimiz iştirak etmiş və 3 nəfər Şəhidimiz olmuşdur. Onların bər birini Dövlət orden və medallarla təltif etmişdir. Biz burdan görürük ki, Prezdentimiz öz xalqını daim qiymətləndirir.
Azərbaycan xalqının Vətən müharibəsində göstərdiyi misilsiz qəhrəmanlığın və qazandığı möhtəşəm tarixi zəfərin nümayiş etdirilməsi, şəhidlərimizin əziz xatirəsinin əbədiləşdirilməsi məqsədilə Bakı şəhərində Vətən müharibəsi memorial kompleksi və Zəfər muzeyinin yaradılması nəzərdə tutuldu. Ata vəsiyyətini yerinə yetirən bizim Liderimiz. Ali Baş Komandan İlham Əliyevin düzgün siyasəti və düzgün təşkil edilmiş Dəmir yumruq əməliyyatı nəticəsində Qarabağ işğaldan azad edildi.
Zaqatala rayon Qımır kənd tam orta məktəbin müəllimi Ramazanova Fərqanə