Xəbərlər / Müəllim
20 oktyabr 2021
1 268
Yuxusuzluq beyini dağıdır
Sağlam yuxu insanın ümumi sağlamlığında ən böyük rol oynayan amillərdən biridir.
Mütəxəssislər xüsusilə vurğulayır ki, insanın gecə yuxusu 6 saatdan az olmamalıdır.
Dünyada müxtəlif illərdə aparılmış elmi araşdırmalar sübut edib ki, uzunsürən yuxusuzluq beyinin sağlamlığına çox ciddi ziyan vurur, hətta beyinin dağılmasına gətirib çıxardır.
Araşdırmalar zamanı alimlər normal yuxusu olan və yuxusuzluqdan əziyyət çəkən insanların beynini analiz ediblər. Yuxusuzluqdan əziyyət çəkən insanların beynində hüceyrə səviyyəsində ciddi pozulmalar aşkar olunub. Beynin emosiyaları, diqqəti, yaddaşı kontrol edən hissələrində pozulmalar daha ağır olub.
Alimlərin fikirinə görə, məhz bu səbəbdən yuxusuzluqdan əziyyət çəkən insanların əhval-ruhiyyəsi sabit olmur, onlar daha tez-tez stresə və depressiyalar düşür, onlarda diqqət və yaddaş zəifləyir və s.
Alimlər yuxunun pozulmasına ciddi fikir verməyi və belə pozulma inkişaf etdikdə vaxt itirmədən həkimə müraciət etməyi tövsiyə edirlər.
