Xəbərlər / Müəllim
17 sentyabr 2021
1 164
Mehriban Vəliyeva: “Əks-göstəriş sertifikatı təqdim edən müəllimlərin məktəblərə gəlməsinə məhdudiyyətlər tətbiq edilə bilər”
"Bakı Şəhəri üzrə Təhsil İdarəsinin tabeliyində olan təhsil müəssisələrində çalışan, əks-göstəriş sertifikatı təqdim edən müəllimlərin özlərinin razılığı ilə məktəblərə gəlməsinə müəyyən məhdudiyyətlər tətbiq edilə bilər”.
Bunu Bakı Şəhəri üzrə Təhsil İdarəsinin müdiri Mehriban Vəliyeva "Media və təhsil dialoqu” mövzusunda keçirilən təlim zamanı bildirib.
Onun sözlərinə görə, bu məhdudiyyət onların sağlamlığının qorunması məqsədi daşıyır: "Təhsil Nazirliyinin müvafiq qərarına əsasən, vaksin olunmayan təhsil işçiləri məktəblərə buraxılmayacaq. Əsas hədəfimiz səhhətində heç bir problem olmayan təhsil işçilərinin bəhanəsiz şəkildə vaksin olunmasıdır”.
