ADPU-nin Fizika və texnologiya fakültəsində “Fizika günü” keçirilmişdir

Aprelin 12-də Azərbaycan Dövlət Pedaqoji Universitetinin (ADPU) Fizika və texnologiya fakültəsində "Fzika günü” keçirilmişdir. Tədbirdə ADPU-nun rektoru, professor Cəfər Cəfərov, Tədris işləri üzrə prorektoru, professor Malik Cəbrayılov, Tərbiyə işləri üzrə prorektoru, professor Fikrət Rzayev, fakültə dekanları ,kafedra müdirləri, tələbələr , 8 və 329 nömrəli tam orta məktəblərin müəllim və şagirdləri, həmçinin dəvət olunmuş digər şəxslər iştirak etmişlər. Çox maraqlı və rəngarəng keçən tədbirdə fakültənin tələbələrinin ifasında rəqslər, səhnəciklər, mahnılar və fizikaya aid təcrübələr alqışlarla qarşılanmışdır.

Tədbirin sonunda Fizika və texnologiya fakültəsinin dekanı, fizika üzrə fəlsəfə doktoru Arzu Daşdəmirov fakültədə tətbiq edilən yeniliklərə daha birinin əlavə olunduğunu da bildirərək "Fizika günü”nün hər il qeyd ediləcəyini və bunun bir ənənəyə çevriləcəyini qeyd etmişdir. Sonda dekan qonaqlara və tədbirin təşkilindəki fəaliyyətlərinə görə fakültə TEC-nə və TGT-yə öz təşəkkürünü bildirmişdir.