Xəbərlər / Səhiyyə
16 iyun 2021
884
COVID-19 olan uşaqlarda irinli appendisit riski müəyyən olunub
Elm adamları koronavirus infeksiyasının uşaqlarda iltihablı appendisitə səbəb ola biləcəyi barədə xəbərdarlıq ediblər.
Buna immunitet sisteminin aktivliyinin artması, həmçinin xəstəlikdən sonra qan damarlarının vəziyyətinin pisləşməsi səbəb ola bilər.
Bu barədı "İzvestiya” xəbər verib.
Bildirilir ki, Rusiyanın Seçenov Universitetindən olan alimlər appendisiti çıxarılan 2-18 yaş arasında onlarla uşağı müayinə edib. Uşaqlar iki qrupa ayrılıb. Birinci qrupa koronavirus testi müsbət çıxanlar, ikincisinə isə mənfi çıxanlar aid olub.
Həm birinci, həm də ikinci qrup uşaqların vermiform əlavələrini araşdırarkən mütəxəssislər bütün nümunələrdə kəskin irinli appendisit əlamətləri aşkar ediblər.
Müəyyən olunub ki, PCR testi müsbət çıxan uşaqların vermiform əlavələrində APF-2 fermentinin (virus onun köməyi ilə orqanizmə daxil olur) səviyyəsi ikinci qrupdakılardan 1,5 dəfə çoxdur.
