Xəbərlər / Ziyalılar
06 iyun 2021
1 147
Rəqəmsal iqtisadiyyatın inkişafı və universitet təhsili-Dosent İlham Əhmədov
Ölkədə Rəqəmsal iqtisadiyyatın qurulması istiqamətində cəhdlər edilir. Bu işin uğuru ölkədə insan kapitalının və ali təhsilin inkişaf səviyyəsindən asılıdır.
NK və TN 3- 4 il əvvəl ölkədə "TƏDQİQAT UNİVERSİTETLƏRİ" yaradılması barədə qərar qəbul etdi, əsasnamə hazırlandı. Görəsən bu günə neçə TƏDQİQAT UNİVERSİTETİ yaradılıb?
Əgər ölkənin heç bir universitetində normal distant təhsil sistemi hələ də yoxdursa, orada rəqabətqabiliyyətli, müasir, keyfiyyətli ali təhsildən danışmaq olarmı?
Yaxın 3-4 ilə gənclərimizin kütləvi şəkildə xarici universitetlərdə distant təhsilə çeyllənməsi çox real görünür, bu halda yerli universitetlərimiz fəaliyyətini davam etdirə biləcəklərmi? Suallar çox, cavablar, real proqnozlar isə yoxdur.
Tələbələrimiz gələcəkdə kütləvi şəkildə xarici universitetlərdə təhsilə meyllənməsinin çox səbəbləri var. Bəzilərini qeyd edək:
1. mükəmməl tərcümə proqramlarının yaradılması və artıq dil baryerinin olmaması, səsli sinxron tərcümənin mümkünlüyü;
2. yerli universitetlərin keyfiyyətsiz təhsil verməsi, bizim diplomlardan fərqli olaraq xarici universitetlərin diplomlarının bütün dünyada tanınması; v.s.
2008-ci ildə Hacəttəpə Universiteti və ADPU-nun birgə "Qloballaşma və Təhsildə İKT" adlı beynəlxalq konfrans təşkil etmişdi. T.C.- dən 200 nəfər professor konfransda iştirak edirdi. Bu beynəlxalq konfransda plenar məruzəçisi kimi çıxış etdik və bu kimi faktları məruzımizdə qeyd etdik. TN-nin o vaxtkı rəhbərliyi konfransda iştirak edirdi. Diqqətlə məruzəni dinlədilər, düşündüm ki, yəqin universitetlərin inkişafı ilə əlaqəli hərəkətə gələrlər, amma çox təəssüf ki, bu sahədə nə onda, nə də sonralar heç kim, heç nə etmədi. Universitetlərin inkişafına xidmət etməli çox qiymətli 15-20 ilimizi hədər itirdik.
Ölkədə distant təhsilin yaradılmasına TN-nin uzun illər ərzində maneçilik törətməsi, ali təhsilimizin rəqəmsallaşması prosesini qura bilməməsi, ali təhsildə keyfiyyətin aşağı olmasl, 16 il ərzində heç bir universitetimizin Boloniya Standartlarına çata bilməməsi ( bu iş 2010-cu ildə tamamlanmalı idi ), ali təhsilin real ehtiyaclardan xeyli aşağı səviyyədə maliyyələşməsi, ali məktəb müəllimlərinin təkmilləşdirmə və ixtisasartırma sisteminin dağılması universitetlərimizi qlobal inkişafdan xeyli geri salmışdır. Belə ali təhsillə rəqəmsal iqtisadiyyatı necə qurmaq olar?
