Xəbərlər
05 iyun 2021
1 688
Bədən tərbiyəsi və idman istiqamətinə aid ixtisasları seçmək istəyən abituriyentlərin nəzərinə
Həftəiçi günlərində Azərbaycan Dövlət Bədən Tərbiyəsi və İdman Akademiyasında abituriyentlərə ərizə qəbulu, qabiliyyət imtahanları və onlara qeydiyyatla bağlı texniki məsələlərdə dəstək göstərilir.
Bu barədə Dövlət İmtahan Mərkəzindən məlumat verilib. Bildirilib ki, hazırda Azərbaycan Dövlət Bədən Tərbiyəsi və İdman Akademiyasında bədən tərbiyəsi və idman istiqamətinə aid ixtisasları seçmək istəyən abituriyentlər üçün elektron ərizə qəbulu, qabiliyyət imtahanları, imtahanlarda iştirak etmək üçün qeydiyyat prosesi və s. haqqında ödənişsiz texniki dəstək göstərilir.
Abituriyentlər onları maraqlandıran suallarla bağlı həftənin bazar ertəsindən cümə gününədək saat 10:00-17:00 arasında akademiyaya müraciət edə bilərlər. Ünvan: Bakı şəhəri, Fətəli xan Xoyski prospekti, 98.
