Xəbərlər
18 aprel 2021
7 174
Xanımlara xəbərdarlıq: Maska taxanda bunu etməyin - AÇIQLAMA
"Elə adamlar var ki, müəyyən materiallara, parçalara ellergiyası var. Maskadan ağız ətrafı nahiyədə bəzən dermatit əmələ gəlir. Daha çox allergik meyilli şəxslərdə bu yaranır".
Bunu ARB24-ün "İş vaxtı” verilişinə açıqlamasında həkim-dermatoloq Şövqi Zeynalov bildirib.
"Buna görə, maskadan istifadə və onu çıxardıqdan sonra dəriyə qulluq çox vacibdir. Əslində ÜST-ün tövsiyyəsinə görə də, maskalar 2-3 saatdan bir dəyişilməlidir", -deyə o, əlavə edib.
Həmçinin həkim bildirib ki, maskanı çıxartdıqdan sonra dərini xlorgeksidin və ya deksapantenolla silmək lazımdır ki, iltihab, səpgilər əmələ gəlməsin.
Dermatoloq qadınlara maska taxanda tonla kremlərdən istifadə etməməyi tövsiyə edib ki, bu zaman krem dərinin məsamələrini bağlayır, "parnik effekti" yaranır, mikrobların çoxalması üçün şərait yaranır.
