Məktəblər yenidən bağlanır? - Nazirdən AÇIQLAMA
Novruz bayramı günlərində - 9 gün ərzində yoluxma sayında olan dinamika məktəblərin fəaliyyətini şərtləndirən əsas amil olacaq.
Bunu təhsil naziri Emin Əmrullayev bildirib.
Nazirin sözlərinə görə, hazırda əyani tədris forması üzrə tədris davam etdirilir: "Nəticələrlə bağlı danışmaq tezdir. Amma görünən odur ki, bütün bunların tədrisin keyfiyyətinə müsbət təsir etdiyini iddia etmək olmaz. Çalışmalıyıq ki, prosesə qısamüddətli baxmayaq. Bizə tez-tez sual verirlər ki, məktəblər yenidən bağlanacaqmı, distant təhsilə keçiləcəkmi? Qarşıdan Novruz bayramı gəlir. Novruz bayramı günlərində 9 gün ərzində olan dinamika məktəblərin fəaliyyətini şərtləndirən əsas amil olacaq. Bu mənada, vətəndaşlar vəziyyəti düzgün dərk edib daha ehtiyatlı davranmalıdırlar. Yoluxma sayının aşağı enməsi məktəbin fəaliyyətini davamlı saxlamağa imkan verəcək”.
