Xəbərlər
27 mart 2017
3 507
Göygöl məktəbliləri tətil müddətində Şəmkir rayonunda təşkil olunan Skautların Yaz düşərgəsində iştirak edib
Göygöl məktəbliləri tətil müddətində Şəmkir rayonunda təşkil olunan Skautların Yaz düşərgəsində iştirak edib. 22-25 mart tarixlərini əhatə edən düşərgədə Bakı, Gəncə, Şəki, Mingəçevir, Göygöl, Biləsuvar, Şəmkir və Türkiyədən dəvət olunmuş Skautlarda iştirak edib.
150 nəfərə yaxın skautun iştirak etdiyi tədbirin əsas məqsədi uşaqların yaz tətilini səmərəli keçirməklə onları bölgənin Novruz adət ənənələri ilə yaxından tanış etməkdən ibarətdir.
Düşərgə müddətində skautlar qeyri-adi vəziyyətlərdən çıxış üsullarını, dağçılıq və digər idman sahələri ilə məşğul olublar. Şagirdlər həmçinin "Pearl camp” adlı düşərgədə müasir avadanlıqlarından istifadə və yaralıya ilk tibbi yardım göstərmək qaydalarını öyrəniblər. Məktəblilər düşərgə müddətində pionerinq, atıcılıq, atçılıq, səmti müəyyən etmə, oxatma, trekkinq və digər idman növləri ilə məşğul olublar.
Raminə Məmmədova(Göygöl təhsil şöbəsi, ictimaiyyətlə əlaqələr üzrə məsul şəxs)
