Xəbərlər / Video / Müəllim
15 fevral 2021
9 467
Ənənəvi tədrisin bərpası ilə bağlı Bakı Şəhər Təhsil İdarəsinin müdirindən açıqlama - VİDEO
Bu gündən Bakı, Sumqayıt və Abşeronda yuxarı sinif şagirdləri üçün ənənəvi dərslər bərpa olunub.
Bakı və Sumqayıt şəhərlərində, Abşeron rayonunda yerləşən ümumi təhsil müəssisələrinin məktəbəhazırlıq mərhələsində tədris həftədə 2 dəfə, ibtidai təhsil səviyyəsində (I-IV siniflərdə) həftədə 3 dəfə, ümumi orta təhsil səviyyəsində (V-IX siniflərdə) həftədə 2 dəfə olmaqla dərslər ənənəvi formada bərpa edilib.
Bununla bağlı Baku TV-yə açıqlama verən Bakı Şəhər Təhsil İdarəsinin müdiri Mehriban Vəliyeva bildirib ki, Bakı şəhərində 199 mindən artıq şagird V-IX sinifdə təhsil alır:
"Bu siniflər üçün 25 mindən artıq müəllim dərs deyir. Bu o deməkdir ki, ibtidai siniflərlə birlikdə təxminən 410 mindən çox şagird mərhələli şəkildə tədrisə cəlb olunub. Karantin rejiminə uyğun olaraq məktəblərdə tədris prosesi təşkil olunub. Bütün qaydalara əməl olunub”.
