Məktəb direktoru: “Əminəm ki, məqsədimizə nail olacağıq”

Bu gün V-IX siniflərdə sanitar-gigiyenik tələblər nəzərə alınaraq ənənəvi tədris qismən bərpa olunur.

Qlobal pandemiya şəraitində dünyada əyani tədris prosesinin dayanması təhsil müəssisələrinin qarşıda duran məqsədlərinə nail olması istiqamətindəki fəaliyyətlərində ciddi məhdudiyyətlər və fərqli xüsusiyyətlər yaratmışdır. Belə ki, COVİD-19 infeksiyasının yayılmasının qarşısının alınması ilə əlaqədar tədbirlərin davam etdirilməsi ölkəmizdə fəaliyyət göstərən təhsil müəssisələrinin qısa müddətdə reallıqlara uyğunlaşmağı, təhsilin distant təşkili və tədris prosesinin davamlığının təmin edilmısi üçün bütün mümkün resusları səfərbər etdi. Pandemiya təhlükəsinə baxmayaraq, məktəblər öz vəzifəsinin icrasına başlayıb. Mingəçevirin bütün təhsil müəssisələrində də qaydalara uyğun olaraq yuxarı sinif şagirdləri üçün ənənəvi dərslər bərpa edilib.

Baxşəli Şıxəliyev adına 6 № li tam orta məktəbdə də pandemiya ilə əlaqədar karantin rejiminə görə tətbiq edilən yeni qaydalara, yeni tələblərə uyğun dərs prosesinə start verilib. Belə ki, bir neçə gün öncədən məktəbin həyəti,s inif otaqları, ümumi istifadə yerləri bir neçə dəfə dezinfeksiya edilib. Bu barədə məlumat verən məktəbin direktoru Xurşud Zamanova bildirib ki, məktəbə daxil olan şagirdlərin hər birinin əlləri gigiyenik tələblərə uyğun olaraq spirtlə dezinfeksiya edilir və istilikölçənlə temperaturları yoxlanıldıqdan sonra siniflərə qəbul edilirlər: ”Üzərimizə böyük məsuliyyət düşür. Şagirdlərimizə nəzarəti gücləndirməklə yanaşı, onlara qaydalara uyğun davranmağı da başa salmalıyıq. Hazırda həftənin 6 gününü işləyəcəyik, hətta 10 dəqiqəlik tənəfüs zamanı da sinif otaqları dezinfeksiyaedici məhlullarla təmizlənəcək.

Tədris prosesi müddətində tibbi maskadan, üz sipərindən istifadə ediləcək, ara məsafə diqqət mərkəzində olacaq. Məktəbin girəcəyində xüsusi baxellər də qoyulub ki, valideyinlər onlardan yararlansınlar. Onu da deyim ki, Təhsil şöbəsi bütün məktəbləri tibbi ləvazimatlarla təmin edib. Bu gün əsas məqsədimiz bu çətin dönəmdə uşaqların təhsilə davamına ciddi yanaşmaq, onların gələcəkdə bilikli olmaları üçün dərslərə həvəs və maraq oyatmaqdır. Əminəm ki, məqsədimizə nail olacağıq”.