Xəbərlər / Video / Abituriyent
20 yanvar 2021
1 693
Bu ixtisas qruplarına Vətən müharibəsi ilə bağlı suallar salınacaq – Video
Bu il keçiriləcək qəbul imtahanlarında tarix fənni üzrə mövzularda şanlı zəfərimizlə bağlı suallar da yer alacaq.
Bunu "Xəzər Xəbər”ə açıqlamasında Dövlət İmtahan Mərkəzinin sektor müdiri Xanlar Xanlarzadə deyib. Dəyişiklik bəzi ixtisas qruplarını əhatə edəcək. Pandemiya şəraiti ilə əlaqədar bəzi mövzular isə sadələşdiriləcək.
Bu il keçiriləcək qəbul imtahanlarında Vətən Müharibəsi ilə bağlı suallar da salınacaq.
Xanlar Xanlarzadə bildirib ki, qəbul imtahanı qaydalarında xüsusi bir qeyd var ki, son dövrlərdə baş verən və imtahan iştirakçılarının canlı şahidi olduğu hadisələr də birbaşa test tapşırıqlarında istifadə edilə bilər. Qurum rəsmisi vurğulayıb ki, Zəfər Tariximizlə bağlı suallar qəbul imtahanlarının yalnız 2-ci mərhələsinə salınacaq.
Qəbul imtahanlarında Vətən Müharibəsi ilə bağlı suallar tarix fənnindən olacaq. Dəyişiklik 2-ci və 3-cü ixtisas qrup üzrə hazırlaşan abituriyentlər üçün nəzərdə tutulub.
Bununla bağlı mövzular yaxın günlərdə çap olunacaq Abituriyent 1 jurnalında yer alacaq.
https://www.youtube.com/watch?v=7DZZl5icdqg&feature=emb_logo
