Xəbərlər
17 mart 2017
3 334
ADPU-da “Bizi tanıyın!” layihəsi çərçivəsində növbəti konsert proqramı
Xəbər verdiyimiz kimi, Azərbaycan Dövlət Pedaqoji Universitetinin (ADPU) Musiqi, təsviri incəsənət, fiziki tərbiyə və çağırışaqədər hazırlıq fakültəsi "Bizi tanıyın!” layihəsini həyata keçirir. Layihə çərçivəsində fakültənin müəllim və tələbələri müxtəlif təhsil müəssisələrində konsert proqramları ilə çıxış edirlər. Növbəti konsert proqramı martın 10-da Müslüm Maqomayev adına 26 nömrəli musiqi məktəbində keçirilib. Fakültənin müəllim və tələbələri məktəb kollektivinin qarşısında konsert proqramı ilə çıxış ediblər. Onların yüksək səviyyəli ifaları məktəbin müəllim və şagirdləri tərəfindən böyük maraqla qarşılanıb. Sonda xatirə şəkli çəkdirilib.
Qeyd edək ki, layihə çərçivəsində konsert proqramlarının digər təhsil müəssisələrində də keçirilməsi nəzərdə tutulur.
