Xəbərlər / Qəhramanlarımız
30 dekabr 2020
2 610
Möcüzə nəticəsinda həyatda qalan sonra isə şəhidlik zirvəsinə ucalan Hüseynov Elxan
İkinci Qarabağ savaşında Vətənin bölünməzliyi və müstəqilliyi uğrunda canından keçən qəhrəman Vətən övladlarından biri də Hüseynov Elxan Maarif oğludur.
Əslən Cəbrayıl rayonunun Daşkəsən kənd sakini olan Elxan Hüseynov 12.03.2000-ci ildə Qaradağ rayonunda anadan olmuşdur. Orta məktəbi bitirdikdən snra 2018 -ci ildə həqiqi hərbi xidmətə yollanmışdır. Hərbi xidməti bitirdikdən sonra xüsusi təyinatlılarda müddətli hərbi xidmətini davam etdirmişdir.
O Şuşa və digər işğalda olan torpaqlarımızın azad edilməsində əvəzsiz iştirak etmişdir. Baş kəşfiyyatçı idi. Döyüş tapşırığını yerinə yetirərkən baş nahiyəsindən güllə yarası alır və elə zənn edirlər ki, Elxan şəhid olub.
Əsgər yoldaşları tərəfindən morqa aparılır. Daha sonra səsinin gəldiyini eşidəndə sağ olduğunu bilib dərhal xəstəxanaya aparmaq qərarına gəlirlər. Xəstəxanaya aparılarkən TTY maşını minaya düşür və möcüzə nəticəsinda həyatda qalır. Bir aydan çoxdur ki komada qalır. Həkimləri anasından onu səsləməsini istəyir. Anası adını çağırır və Elxan gözlərini çevirərək reaksiya verir. Anası dözə bilməyib ağlayır və həmin vaxt komada olan Elxanın gözündən yaş axır. Anasına reaksiya verdiyinə görə həm həkimlər, həm də yaxınları sevinsələr də ancaq bu sevinc çox çəkmir. Elxan Hüseynov 13 dekabr 2020-ci ildə şəhidlik zirvəsinə ucalır. Biləsuvar qəsəbəsindəki məzarlıqda dəfn edilmişdir. İgid əskər,
Şəhadətin mübarək! Ruhunuz qarşısında baş əyirik! Allahdan bütün Şəhidlərimizə rəhmət diləyirik, nur içində yatın!
