Xəbərlər / Qəhramanlarımız
28 dekabr 2020
1 911
Böyük şücaət göstərmiş şəhid Cavadzadə Mahmud
İkinci Qarabağ savaşında Vətənin bölünməzliyi və müstəqilliyi uğrunda canından keçən qəhrəman Vətən övladlarından biri də Cavadzadə Mahmud Heydər oğludur.
Əslən Cəbrayıl rayonundan olan Mahmud Cavadzadə 13.04.1999-cu ildə Bakı şəhəri Yasamal rayonunda anadan olmuşdur. 2016-cı ildə Bakı şəhəri Aslan Ağaverdiyev adına 31 saylı tam orta məktəbi bitirmiş, elə həmin ildə də Azərbaycan Texniki universitetinə qəbul olmuşdur. 2020-ci ildə həqiqi hərbi xidmətə yollanmışdır.
İki bacının tək qardaşı idi. 21 yaşı var idi. Mahmud Cavadzadə Azərbaycan Respublikası ərazilərinin işğaldan azad olunması və ərazi bütövlüyünün bərpa edilməsi uğrunda böyük şücaət göstərmişdir. Ailəsi ilə son dəfə sentyabrın 30-u danışıb və ondan sonra əlaqə saxlaya bilməyiblər. Mahmud Cavadzadə 06 oktyabr 2020-ci ildə Goranboy Ağdərə istiqamətində gedən döyüşlərdə qəhrəmancasına şəhid olmuş, 2-ci fəxri xiyabanda dəfn edilmişdir.
İgid əskər, Şəhadətin mübarək! Ruhunuz qarşısında baş əyirik! Allahdan bütün Şəhidlərimizə rəhmət diləyirik, nur içində yatın!
