Xəbərlər / Qəhramanlarımız
25 dekabr 2020
1 976
Baş çavuş Tural Bayramlı
İkinci Qarabağ savaşında Vətənin bölünməzliyi və müstəqilliyi uğrunda canından keçən qəhrəman Vətən övladlarından biri də Bayramlı Tural Ədil oğludur.
Əslən Cəbrayıl rayonunun Daş Veysəlli kənd sakini olan Tural Bayramlı 10.02.1996-cı ildə Beyləqan rayonunun Şərq qəsəbəsində anadan olmuşdur. 2014-cü ildə Dağtumas kənd tam orta məktəbin məzunu olduqdan sonra həqiqi hərbi xidmətə yollanır. 2016-cı ildə hərbi xidməti başa vurduqdan sonra Azərbaycan Respublikası Daxili İşlər Nazirliyinin Daxili Qoşunlarının Hacıqabul şəhərində yerləşən N saylı hərbi hissəsinin xüsusi təyinatlı dəstəsində müddətdən artıq xidmət etməyə başlayıb.
Daxili Qoşunların Xüsusi Təyinatlı baş çavuşu olub. Tural Bayramlı Azərbaycan Respublikası ərazilərinin işğaldan azad olunması və ərazi bütövlüyünün bərpa edilməsi zamanı döyüş əməliyyatlarına yüksək peşəkarlıqla hərbi qulluq vəzifəsini yerinə yetirərkən igidlik və mərdlik nümunəsi göstərdiyinə görə "Vətən uğrunda” medalı ilə təltif edilmişdir.
Şuşa şəhərinin girişində yoldaşları tərəfindən çəkilmiş videosunda əlini uzadaraq: "Şuşaya az qaldı, çox az” deyən igid qəhrəmanımız elə Şuşa şəhəri uğrunda gedən döyüşlər zamanı 10 noyabr 2020-ci ildə qəhrəmancasına şəhid olur. Beyləqan rayon məzarlığında dəfn olunub.
İgid əskər, Şəhadətin mübarək! Ruhunuz qarşısında baş əyirik! Allahdan bütün Şəhidlərimizə rəhmət diləyirik!
