Xəbərlər / Qəhramanlarımız
23 dekabr 2020
4 318
Qəhrəman şəhidimiz Əyyub Süleymanov
İkinci Qarabağ savaşında Vətənin bölünməzliyi və müstəqilliyi uğrunda canından keçən qəhrəman Vətən övladlarından biri də Süleymanov Əyyub Rasim oğludur.
Əslən Cəbrayıl rayonunun Qumlaq kənd sakini olan Əyyub Süleymanov 09.04.2001-ci ildə İmişli rayonunda anadan olmuşdur. Oxuduğu orta məktəbi 9-cu sinifdən tərk edir, peşə məktəbində təhsilini davam etdirərək elektrik peşəsinə yiyələnir. Oranı bitirdikdən sonra hərbi xidmətə çağırılır.
İkinci vətən müharibəsinin iştirakçısı olur və döyüşlər zamanı göstərdiyi qəhrəmanlıqlara görə fərqlənmə diplomu ilə təltif edilir. Əyyub Süleymanov 03 noyabr 2020-ci ildə Laçın rayonu istiqamətində gedən döyüşlər zamanı qəhrəmancasına şəhid olur. Biləsuvar qəsəbəsindəki məzarlıqda dəfn olunub.
İgid əskər, Şəhadətin mübarək! Ruhunuz qarşısında baş əyirik! Allahdan bütün Şəhidlərimizə rəhmət diləyirik!
