Xəbərlər / Qəhramanlarımız

21 dekabr 2020

Şəhidin son arzusu yerinə yetirildi: Məzarına Şuşa torpağı səpildi

44 günlük Vətən Müharibəsində torpaqlarımızın hər qarışı uğrunda say-seçmə oğullar canlarını qurban verdilər. Onlardan biri də 28 yaşlı Müddətdən Artıq Həqiqi Hərbi Xidmət keçən Hərbi Qulluqçu (MAHHXHQ) Elçin Hüseynovdur.

Döyüşdə yaralansa da, geri çəkilməyib, düşmənin çoxlu sayda canlı qüvvəsini məhv edib. Strateji yüksəkliklər düşmən əlinə keçməsin, döyüş yoldaşları sağ qalsın deyə özünü güllənin qabağına verib.

Şəhid hərbi qulluqçumuzla bağlı qardaşı Natiq Hüseynov Qafqazinfo-ya danışıb:

"Qardaşım 2014-cü ildə hərbi xidməti başa vurub və həmin ildən də MAHHXHQ kimi snayper-kəşfiyyatçı vəzifəsində xidmətə başlayıb. 2016-cı il aprel döyüşlərində fəal iştirak edib. İkinci Qarabağ Müharibəsi başlanandan da ön cəbhədədir.

Suqovuşan uğrunda döyüşlərdə yaralansa da, döyüşü dayandırmayıb. Yaralı halda düşmənin çoxlu sayda canlı qüvvəsini məhv edib. "Mübariz postu”nda şəhid olub”.

N.Hüseynovun sözlərinə görə, qardaşı öz silahdaşları ilə birlikdə mühasirədə qalıb. Lakin Elçin ölümü gözə alaraq, yüksəkliyi aşıb, düşmənin olduğu sahəyə daxil olub və onları atəşə tutanları vurub:

"Kəşfiyyatçıların dediyinə görə, Elçin şəhid olanda iki dəfə güllə yarası alıb. Birinci güllə başının arxasından dəyib, komandiri elə bilib ki, Elçin şəhid olub. Lakin bir müddətdən sonra onun sağ olduğunu görüblər.

Uzandığı yerdən qalxıb, komandiri Elman Əzizli rabitə ilə geri qayıtması əmrini verib. Amma Elçin dayanmayıb, komandirə "gözləyin” deyib. Düşmənlə üzbəüz dayanıb, ikinci güllə dəyməmişdən özündə güc tapıb ermənini nişan ala bilib və vurub. Sonra ikinci güllə başından dəyib.

Elçin uzandığı yerdə bir neçə saniyəyə "bronjilet”i çıxarıb, içindəki bayrağı şalvarının cibinə qoyub, silahını qucaqlayıb və həmin yerdə də şəhid olub”.

Şəhidin nəşini götürmək üçün bütün kəşfiyyatçı yoldaşları əllərindən gələni ediblər. Yalnız 11 gündən - düşmən arxaya çəkiləndən sonra Elçinin cəsədini ərazidən götürmək mümkün olub.

Qardaşı deyir ki, Elçin ondan yaşca böyük olsa da, subay idi, heç evlənmək barədə düşünmürdü. Bircə arzusu var idi – Şuşa, ondan başqa heç nə düşünmürdü. Həyatı ancaq post və səngərdən ibarət idi. Elə öz arzuları uğrunda da bu dünyadan getdi.

Şəhid qəhrəman Elçin Hüseynov oktyabrın 17-də Sumqayıt Şəhidlər Xiyabanında dəfn olunub.

Silahdaşları onun sonuncu arzusunu yerinə yetiriblər. Şuşanı azad etmək, Şuşanı görmək istəyən şəhidin məzarına Şuşa torpağı səpilib.

Məqalə Göndər

Загрузка...

Həmçinin oxuyun:

İdarə etdiyi tankın üzərinə döyüş yoldaşları tərəfindən adı yazılan şəhidimiz - FOTO/VİDEO

Nişanlı idi, toyu olacaqdı, şəhidlik zirvəsinə ucaldı - FOTO/VİDEO

Birinci Qarabağ müharibəsində şəhid olan qardaşının qisasını Vətən müharibəsində alan qəhrəmanımız - VİDEO

Şəhid leytenantın döyüş yoldaşlarına vəsiyyəti: “Zeynəbimi həmişə axtararsınız” - VİDEO

Qaxda 19 yaşlı şəhidin ailəsinə ev tikilir - VİDEO

Şəhid olmadan əvvəl ailəsinə bu məktubu yazıb... - FOTO

40-dan çox erməninin içində üç saat mühasirədə qalan qazimiz - VİDEO

Qərargah rəisini xilas edərkən şəhid olan hərbi həkim - FOTO

Biri şəhid, biri qazi olan qardaşlar - VİDEO

Şəhid anası: “Oğlumun bir sözü var idi: Ya tarix yazacağam, ya da tarixdə qalacağam”

İki övladını şəhid verən ana: “Bir oğlumu dəfn edib gələndən sonra digərinin nəşini gətirdilər” - VİDEO

Özünü qumbaranın üstünə atıb döyüşçü yoldaşlarını xilas etdi

Xaspolad 13 ildən sonra dünyaya gəlmişdi, Allah onu mənə gec vermişdi, tez aldı - Şəhid Anası

Əsgərimiz Şuşa yolunda MİNAYA düşərək ŞƏHİD OLDU - FOTO

Qubadlı rayonunun azadlığı uğrunda gedən döyüşlərdə qəhrəmancasına şəhid olmuş Ruhin Xəlilov

Şəhid bacısı: Dedi ki, gəl, səni bir də öpüm, birdən şəhid olaram... - VİDEOREPORTAJ

Komandiri ilə bərabər şəhid olan Oktayın həyat hekayəsi: Altı il idi sevdiyi vardı, nişanlanacaqdılar - FOTO

XTQ-nin igid əsgəri, xalqımızın şəhid oğlu Cahid Tağızadə - FOTOLAR

Füzuli istiqamətində gedən döyüşlərdə qəhrəmancasına şəhid olmuş Sevindik İsmayılzadə

Şəhadətinin 14-cü günündə gələn övlad payı

Bu gün şəhid Mübariz İbrahimov və Fərid Əhmədovun dəfn olunduğu gündür

“Əgər şəhid olsam, məni də belə yola salarsınız”

18 yaşlı qəhrəmanımızın anası: “Həmişə şəhid olacağını deyirdi, arzusuna da çatdı” - VİDEO

Zəngilan rayonu istiqamətində gedən döyüşlərdə qəhrəmancasına şəhid olmuş Anar Əmirov