Xəbərlər / Qəhramanlarımız
19 dekabr 2020
3 016
Qəlbi vətən eşqiylə döyünən Elsevər sanki hərbiçi doğulmuşdur.
İkinci Qarabağ savaşında Vətənin bölünməzliyi və müstəqilliyi uğrunda canından keçən qəhrəman Vətən övladlarından biri də mayor Paşayev Elsevər Vaqif oğludur.
Elsevər Paşayev 01.07.1988-ci ildə Cəbrayıl rayonu Qovşudlu kəndində anadan olmuşdur. Qəlbi vətən eşqiylə döyünən Elsevər sanki hərbiçi doğulmuşdur. Çox savadlı idi. Beş xarici dil bilirdi. Xarici ölkələrdə xarici hərbiçilərə hərbi təlimlər keçmişdir. Əfqanıstanda Azərbaycandan gələn Sülhməramlıların komadiri olmuşdur. İkinci Qarabağ döyüşləri zamanı baş verən hadisəni əskəri danışır: Elsevər Paşayev döyüşə kapitan olaraq başlamışdı.
Döyüş zamanı yaralanır və yüksək rütbəli zabit həmin əskərlə əlaqə saxlayaraq Elsevər Paşayevə mayor rütbəsi verildiyini deyir. Bu xəbər özünə deyiləndə yaralı olmasına baxmayaraq sevincini gizlədə bilmir.
Elsevər Paşayev 25 oktyabr 2020-ci ildə Qubadlı rayonunun azadlığı uğrunda gedən döyüşlərdə qəhrəmancasına şəhid olmuş, 2-ci fəxri xiyabanda dəfn edilmişdir. Elsevər Paşayev Azərbaycan Respublikası ərazilərinin işğaldan azad olunması və ərazi bütövlüyünün bərpa edilməsi zamanı döyüş əməliyyatlarına yüksək peşəkarlıqla hərbi qulluq vəzifəsini yerinə yetirərkən igidlik və mərdlik nümunəsi göstərdiyinə görə Qarabağ ordeni ilə təltif edilmişdir. Cənab mayor, Şəhadətin mübarək! Ruhunuz qarşısında baş əyirik! Allahdan bütün Şəhidlərimizə rəhmət diləyirik!
