Xəbərlər
22 noyabr 2020
1 577
Belə şücaəti, qəhrəmanlığı yalnız filmlərdə görmüşdük
Qəhrəmanlarımızı tanıyaq:
Maştağa kəndinin sakini Əliağa Eldəniz oğlu Məmmədov. Əliağa 255 saylı məktəbin məzunudur. Akademik Musiqili Teatrında işıqçı işləyirdi.
Vətən müharibəsində qəhrəmanlığı dillərdə dastana çevrilmiş igid öz canı bahasına komandirini xilas etmişdi:
Döyüşdə düşmən minaatanlardan atəşə başlamıışdı.
Əliağa minalardan birinin tabur komandirinin yanına düşəcəyini sezir. İrəli atılır, komandiri yerə yıxır, vücudunu ona sipər edir.
Mina partlayır, qəlpələr Əliağanın bədəninə sancılır. Əliağa canı bahasına komandiri xilas edir.
Maştağadakı dəfn mərasimində tabur komandiri hücum əməliyyatında olduğu üçün iştirak edə bilməmişdi.
O, Əliağanın valideynlərinə telefonla zəng edərək:
"Övladınız məni həyatı bahasına xilas etdi, taburun hücumunun qarşısını almağa çalışan düşmənə mane oldu.
Belə şücaəti, qəhrəmanlığı yalnız filmlərdə görmüşdüm, kitablarda oxumuşdum. Bu gün oğlunuzu itirsəniz də, məni oğul saya bilərsiniz. Cəbhədən qayıdan kimi oğul təki xidmətinizdəyəm. Həyatımı sizə borcluyam".
