Xəbərlər / Müəllim / Şagird
05 sentyabr 2020
2 307


Pandemiya şəraitində məktəb – gigiyena qaydaları necə tənzimlənməlidir?

Pandemiya şəraitində məktəb – gigiyena qaydaları necə tənzimlənməlidir?

 

Sentyabrın 15-də Azərbaycanda məktəblər açılacaq. Artıq Nazirlər Kabineti də siniflər üzrə dərslərin hansı tarixlərdə başlayacağını təsdiqləyib. Təhsil Nazirliyi isə sentyabrın 8-nə qədər tədris və təlim-tərbiyə prosesinin təşkilinin müvəqqəti qaydalarını hazırlayıb hökumətə təqdim etməlidir. Yeni qaydalar həmçinin məktəblərdə yeməkxana, tibbi kabinet və soyunub-geyinmə otaqlarının fəaliyyətinin necə qurulacağına da aydınlıq gətirməlidir. 

 Report təhsil ocaqlarında yuxarıda qeyd olunan sahələrin fəaliyyətinin necə təşkil olunması ilə bağlı araşdırma aparıb. 

K.Fərəcova adına Elmi Tədqiqat Pediatriya İnstitutunun direktoru, Azərbaycanın baş pediatrı Nəsib Quliyev "Report”a açıqlamasında bildirib ki, onsuz da koronavirusla mübarizə tədbirləri çərçivəsində əməl olunması zəruri olan gigiyena qaydaları məlumdur: "Burada üç əsas prinsip var: tibbi maskadan istifadə, sosial məsafənin gözlənilməsi və əllərin yuyulması. Təbii ki, məktəblərdə də həmin tələblərə riayət edilməlidir. Hər kəs bilməlidir ki, COVID-19 hava-damcı yolu ilə keçir, qida ilə yox. Ona görə də məktəblərdə bufetlərin açılması böyük təhlükə törətmir. Amma şagirdlər sosial məsafə saxlamalıdırlar, bir-biriləri ilə təmasdan uzaq durmalıdırlar. Təbii ki, bu işlərə də məktəbin rəhbərliyi cavabdehlik daşımalıdır”.
 

Pandemiya şəraitində məktəb – gigiyena qaydaları necə tənzimlənməlidir?

 

Nəsib Quliyev

Baş pediatr övladı ibtidai siniflərdə təhsil alan valideynlərə müraciət də edib. Onun fikrincə, uşaqları məktəbə ac göndərmək olmaz: "Nəzərə alsaq ki, ibtidai siniflərdə dərslər saat 12-də bitir, o zaman məktəblilər səhər evdən ac çıxmasalar, günorta yeməyini də evdə yeyə bilərlər. İndiki vəziyyətdə bu, ən doğru addım olar. Odur ki, valideyn övladını evdən ac yola salmamalıdır”.

N.Quliyev şagirdlərin qoruyucu tibbi maskadan istifadəsini məsləhət görmür: "Çünki uşaqların çoxu maskadan istifadə qaydalarını düzgün bilmir. Ola bilsin, maska yerə düşdü və azyaşlı onu götürüb yenidən taxar. Odur ki, maskadan istifadə məqsədəuyğun deyil”.

Baş pediatr məktəblərdə soyunub-geyinmə otaqlarının istifadə qaydalarına da toxunub: "Əgər bu otaqlardan istifadə olunacaqsa, mütləq şəkildə həmin otaq hər gün dezinfeksiya olunmalıdır. Evdən forma geyinib gəlmək daha məsləhətlidir”.     

Təhsil eksperti Kamran Əsədov "Report”a açıqlamasında deyib ki, təhsil ocaqlarında sanitar-epidemioloji tələblər və təhlükəsizlik qaydaları əvvəlki dövrlə müqayisədə daha fərqli olmalıdır: "İlk növbədə, bütün məktəblərdə şagird və müəllimlər üçün ayrıca mətbəx, ərzaq anbarı fəaliyyət göstərməlidir. Hazırda 37% təhsil işçisinin risk qrupuna aid olduğunu nəzərə alsaq, onların eyni məkanlardan istifadəsi yolverilməzdir. Məktəb binasının həyətindəki oyun konstruksiyaları, istirahət guşələri də uşaqların istifadəsinə daha çox ayrılmalı və yaşlı müəllimlərin bu tipli yerlərə girişi məhdudlaşmalıdır”.
 
K.Əsədov əlavə edib ki, hər sinfin ayrıca soyunub-geyinmə (hər uşaq üçün ayrı qarderob) otağı olmalıdır: "Fiziki tərbiyə fənni bitdikdən sonra başqa sinfin müvafiq dərsi dərhal başlamamalıdır. Hər dərsdən sonra soyunub-geyinmə otaqları dezinfeksiya edilməli, havalandırılmalıdır. Aşağı sinif şagirdləri yuxarı sinif şagirdlərinin istifadə etdiyi soyunub-geyinmə otağından istifadə etməməlidir. Qarderob məsələsində xüsusilə diqqətli olmaq lazımdır. Koronavirusa yoluxan birinin geyiminə toxunma ola bilər. Məktəblərdə tibb otağında şagirdlərin vaxtaşırı müayinəsi və peyvəndlənməsi işi aparılmalı, təkcə şagirdlər məktəbə daxil olanda yox, hətta tənəffüs vaxtları belə temperaturları ölçülməlidir. Hər gün I,II və III sinif şagirdlərininin sağlamlıq vəziyyətlərini təhlil etmək lazımdır. Yaxşı olar ki, bu siniflər üçün ayrıca sanitar qovşaqlar istifadə edilsin”.

Xatırladaq ki, yaxın günlərdə Səhiyyə və Təhsil nazirlikləri tərəfindən məktəb və təhsil ocaqları üçün sanitar-epidemioloji tələblərə və əlavə təhlükəsizlik qaydalarına uyğun əsas iş prinsipləri müəyyən edilib ictimaiyyətə açıqlanacaq.
 
Qeyd edək ki, sentyabrın 15-də ibtidai siniflərdə dərslər əyani formada bərpa olunacaq, V-XI siniflərdə isə onlayn qaydada dərslər keçiriləcək. V-IX sinif şagirdləri oktyabrın 1-də, X-XI sinif şagirdləri isə oktyabrın 15-də ənənəvi şəkildə məktəbə gələcək. Oktyabrın 1-dən isə məktəbəhazırlıq qruplarında tədris başlayacaq. Hökumətin tədrislə bağlı mövcud qərarı noyabrın 2-dək qüvvədədir. Təhsil müəssisələrində sonrakı mərhələlərdə tədrisin hansı formada davam etdirilməsi ilə bağlı da mövcud şəraitə uyğun olaraq qaydaların hazırlanması, yeni qərarların qəbulu gözlənilir.
Məqalə Göndər








Загрузка...
Həmçinin oxuyun:
Tibbi spirtdən istifadə şagirdlər üçün təhlükə yaradacaqmı?

Tibbi spirtdən istifadə şagirdlər üçün təhlükə yaradacaqmı?

Sentyabrın 15-də Gürcüstanda yeni tədris ili başlayacaq

Sentyabrın 15-də Gürcüstanda yeni tədris ili başlayacaq

Qonşu ölkələrdə “Koronavirus qaydaları”na əsasən yeni dərs ili

Qonşu ölkələrdə “Koronavirus qaydaları”na əsasən yeni dərs ili

Nazirlik yaxın günlərdə təhsil ocaqları ilə bağlı qaydaları ictimaiyyətə açıqlayacaq

Nazirlik yaxın günlərdə təhsil ocaqları ilə bağlı qaydaları ictimaiyyətə açıqlayacaq

KİV: Yeni dərs ili ilə bağlı təlimatlar verilib

KİV: Yeni dərs ili ilə bağlı təlimatlar verilib

Təhsil ekspertindən yeni dərs ilinə dair TƏKLİFLƏR

Təhsil ekspertindən yeni dərs ilinə dair TƏKLİFLƏR

Dərslərin sentyabrda başlayacağı sual altındadır, amma maraqlı alternativlər var

Dərslərin sentyabrda başlayacağı sual altındadır, amma maraqlı alternativlər var

Uşaq bağçaları və məktəblərdə tədris necə bərpa oluna bilər? – Ekspertdən TƏKLİF

Uşaq bağçaları və məktəblərdə tədris necə bərpa oluna bilər? – Ekspertdən TƏKLİF

Dərs ili kim üçün nə vaxt başlayacaq: bağçalar, məktəblər, ali məktəblər - DƏQİQ İNFOQRAFİKA

Dərs ili kim üçün nə vaxt başlayacaq: bağçalar, məktəblər, ali məktəblər - DƏQİQ İNFOQRAFİKA

Çirkli çanta, natəmiz dərsliklər, bərbad vəziyyətdə olan sanitar qovşağı... - Məktəbliləri virusdan necə qorumalı?

Çirkli çanta, natəmiz dərsliklər, bərbad vəziyyətdə olan sanitar qovşağı... - Məktəbliləri virusdan necə qorumalı?

Baş nazirdən tədris prosesi ilə bağlı mühüm qərar: Detallar müəyyən olundu

Baş nazirdən tədris prosesi ilə bağlı mühüm qərar: Detallar müəyyən olundu

Təhsil İnstitutu növbəti tədris ili ilə bağlı iki ssenari təklif edir.

Təhsil İnstitutu növbəti tədris ili ilə bağlı iki ssenari təklif edir.

"Sərtləşdirilmiş karantin rejimi bir neçə həftə də uzadıla bilər"

"Sərtləşdirilmiş karantin rejimi bir neçə həftə də uzadıla bilər"

I, V, IX siniflər üçün həftədə üç, X və XI siniflər üçün dərslər tam onlayn qaydada keçirilsin - TƏKLİF

I, V, IX siniflər üçün həftədə üç, X və XI siniflər üçün dərslər tam onlayn qaydada keçirilsin - TƏKLİF

Yeni dərs ilində siniflərdə sıxlıq problemi olmayacaq

Yeni dərs ilində siniflərdə sıxlıq problemi olmayacaq

Çində məktəblərdə dərslər bərpa olunur

Çində məktəblərdə dərslər bərpa olunur

Baş infeksionist: Qapalı yerlərdə maskadan istifadə edilməməsinə görə cərimə tətbiq edilməlidir

Baş infeksionist: Qapalı yerlərdə maskadan istifadə edilməməsinə görə cərimə tətbiq edilməlidir

Dünya ölkələrində məktəblər bu şəkildə açılacaq

Dünya ölkələrində məktəblər bu şəkildə açılacaq

Sentyabrın 15-dən yuxarı siniflər üçün dərslər distant formada keçirilə bilər - AÇIQLAMA

Sentyabrın 15-dən yuxarı siniflər üçün dərslər distant formada keçirilə bilər - AÇIQLAMA

Məktəblərdə müəllimlə yanaşı psixoloq nəzarəti mütləq gücləndirilməli…Psixoloq Səbinə Bayramova

Məktəblərdə müəllimlə yanaşı psixoloq nəzarəti mütləq gücləndirilməli…Psixoloq Səbinə Bayramova

Məktəblərin ənənəvi şəkildə açılması nə dərəcədə təhlükəsizdir? Şəxsi fikir

Məktəblərin ənənəvi şəkildə açılması nə dərəcədə təhlükəsizdir? Şəxsi fikir

Azərbaycanda tibbi maskadan istifadə etməyənlərə qarşı reydlərə start verilib

Azərbaycanda tibbi maskadan istifadə etməyənlərə qarşı reydlərə start verilib

Tibbi maskadan istifadə zamanı bu qaydalara əməl olunmalıdır

Tibbi maskadan istifadə zamanı bu qaydalara əməl olunmalıdır

4 maydan sonra 9-11-ci siniflərdə dərslər o halda başlaya bilər ki…

4 maydan sonra 9-11-ci siniflərdə dərslər o halda başlaya bilər ki…