Xəbərlər
25 fevral 2017
3 901
“Xocalı faciəsi şagirdlərin gözü ilə” rəsm müsabiqəsi yekunlaşıb
Fevralın 25-də "Xocalı faciəsi şagirdlərin gözü ilə” rəsm müsabiqəsi yekunlaşıb. Rəsm müsabiqəsi Ağstafa Rayon Təhsil Şöbəsinin təşkilatçılığı ilə keçirilib.
Fevral ayının əvvəlindən elan edilən müsabiqəyə rayonun təhsil müəssisələri tərəfindən 300-ə qədər rəsm əsəri təqdim edilib. Rəsm müəllimlərindən ibarət komanda tərəfindən 5 ən yaxşı rəsm seçilib. Belə ki, Köhnəqışlaq kənd tam orta məktəbin 10-cu sinif şagirdi Məsumə Hüseynova I yerə, Dağ Kəsəmən kənd 2 saylı tam orta məktəbin 6-cı sinif şagirdi Nərmin Paşayeva II yerə, Aşağı Göycəli kənd tam orta məktəbin8-ci sinif şagirdi Səbinə İsmayılzadə III yerə layiq görülüb.
Bundan əlavə, Ağstafa şəhər 2 saylı tam orta məktəbin 4-cü sinif şagirdi Nərgiz Şükürova və Dağ Kəsəmən kənd 1 saylı tam orta məktəbin 8-ci sinif şagirdi Aysel Vəliyevanın rəsmləri bəyənilərək həvəsləndirici yerə layiq görülüblər.
Qaliblər Ağstafa Rayon Təhsil Şöbəsi tərəfindən diplom və hədiyyələrlə mükafatlandırılıblar.
aztehsil.com
Nəcibə Vəliyeva(Ağstafa təhsil şöbəsi, ictimaiyyətlə əlaqələr üzrə məsul şəxs)
