Xəbərlər / Müəllim
17 iyul 2020
1 492
Müəllimlərin işə qəbulu üzrə müsabiqənin keçiriləcəyi şəhər və rayonlar müəyyənləşdirilib
Müəllimlərin işə qəbulu üzrə müsabiqənin hansı rayonlar üzrə keçirilməsi artıq məlumdur. Təxmini olaraq 17 şəhər və rayonda 29 mərkəz müəyyənləşdirilib.
Bu sözləri müəllimlərin işə qəbulu üzrə müsabiqə ilə bağlı canlı yayımda Təhsil Nazirliyinin İnsan resursları şöbəsinin müdiri Eşqi Bağırov deyib. O bildirib ki, bu rəqəmlərin dəyişmə ehtimalı var. Çünki həmin rayonlarda nəqliyyat, təchizat, namizədlərin imtahana gediş-gəliş məsələsi ilə bağlı araşdırma aparılır. Test imtahanının keçirilməsinə bir neçə gün qalmış, yəni qeydiyyat başa çatandan sonra namizədlərin şəxsi kabinetinə yerlərlə bağlı ətraflı məlumat göndəriləcək.
