Gənc müəllim kömək edənlərə təşəkkür etdi.

Əziz həmvətənlərim, hamınızı salamlayıram. 3 gün öncə dostların təkidilə facebook sosial şəbəkəsində xəstəliyimlə bağlı paylaşım olundu. Tez bir zamanda həmin paylaşım ildırım sürəti ilə yayılmağa başladı.

Qabaqcadan da müəyyənləşdirdiyim kimi vətənpərvər, humanist insanlar, həmyerlilərim, dostlarım, iş yoldaşlarım, tələbə yoldaşlarım, qohumlarım, deputatımız, icra başçımız əlindən gələni əsirgəmədilər. Mən çox xoşbəxtəm ki, sizin kimi xalqım var. Nə qədər də humanist, insansevərsiniz. Bu həm də xalqın müəllimə verdiyi yüksək dəyərdir! Heç bilmirəm xəcalətinizdən necə çıxacağam! Cəmi üç günün içində artıq 7000+ məbləğ yığılmışdır. Yığılan məbləğə çox yaxın bildiyim dostum da nəzərət edir. Bir qəpiyinə də dəyilmir. Əgər hər hansı bir dərmana, xəstəliklə bağlı problemlərə sərf olunsa, sizinlə də bölüşəcəyik.

Bəzən suallar verilir ki, bir böyrək üçün bu qədər məbləğ çoxdur. Onu qeyd edim ki, biz təkcə əməliyyat pulunu nəzərə almamışıq. Ümumi xərclər nəzərə alınıb. Məsələn: bir nəfər donorun yoxlanması 3500 azndır. Allah etməmiş yoxlanılan donor uyğun gəlməsə həmin pul da batmış olur. Bu zaman ikinci donor üçün də əlavə 3500 azn ödənilməlidir!

Bu gün yenidən həkimə getmişdim. Əməliyyata kimi doktor Elnur Fərəcovun nəzarəti altında müalicə olunuram. Hər dəfə müalicəyə gəldikdə dərmanlarla birlikdə 1000 azna yaxın pul çıxır!

Doktor inşallah əməliyyatın oktyabr ayında planlaşdırıldığını bildirdi. Əziz dostlar, bütün bunları nəzərə alaraq o qədər məbləğ yazılıb! Sonda bir daha sizə sonsuz təşəkkürlərimi bildirirəm. Mən doğulduğum Lerik rayonu başda olmaqla bütün Azərbaycanı çox sevirəm. Sizlərlə fəxr edirəm. Mən heç vaxt ümidimi itirmədim. Çünki gözəl Allahım və sizin kimi gözəl xalqım var! Bütün əməyinizi, haqqınızı halal edin! Etdiyiniz bütün yaxşılıqlarınızı heç vaxt unutmayacağam! Əgər puldan artıq qalsa, mən də onu bir xəstənin sağalması üçün istifadə edəcəyəm!

AzTehsil.com bank kartını və telefon nömrəsini sizlərə təqdim edir

+994505777228 (WhatsApp)

Xatırladaq ki bank hesabına xarici ölkələrdən və ölkəmizin hər yanından ödəniş etmək olar.