Xəbərlər / Müəllim
07 iyul 2020
1 552
AzMİU-nun müəllimi ilk virtual hackathonun qalibi olub
Azərbaycan Memarlıq və İnşaat Universitetinin (AzMİU) müəllimi, İnnovativ Biznes İnkubator Mərkəzinin startapçısı Ramin Əkbərovun layihəsi Ekologiya və Təbii Sərvətlər Nazirliyi və BMT-nin İnkişaf Proqramı Hackathon Azerbaijan komandası ilə birgə keçirtdiyi su mövzusunda ilk virtual hackathonun qaliblərindən olub. R.Əkbərovun "CONWAT” layihəsi 49 komanda arasından 4-cü yeri qazanıb.
Universitetdən bildirilib ki, ilk virtual hackathon mövcud su problemlərinə texnoloji həllər tapmaq və suyun həyati əhəmiyyəti ilə bağlı maarifləndirmə işinə dəstək vermək məqsədi ilə keçirilib. "AquaHack” müsabiqəsi elan edildiyi gündən 2 həftə ərzində yarışmaya 328 ərizə ilə müraciət olunub. Yarışmada əsas tələb komandaların suyun kəmiyyət və keyfiyyətinin qorunması, su ehtiyatlarına təzyiqlərin azaldılması üçün 48 saat ərzində texnoloji ideyalar və həllər tapması, əlverişli təkliflər verməsi olub.
