Xəbərlər
14 fevral 2017
3 073


ADNSU və Böyük Britaniyanın Lester Universiteti arasında əməkdaşlığa dair saziş imzalanıb

ADNSU və Böyük Britaniyanın Lester Universiteti arasında əməkdaşlığa dair saziş imzalanıb

 

Fevralın 13-də Lester Universitetinin prezidenti, professor Pol Boyl (Paul Boyle) və onun rəhbərlik etdiyi nümayəndə heyəti Azərbaycan Dövlət Neft və Sənaye Universitetində olub.
 
İlk olaraq ADNSU-nun tarix muzeyi ilə tanış olan nümayəndə heyətinə muzey və eksponatlar haqqında geniş məlumat verilib. Qonaqlar həmçinin universitetin nəzdində yaradılan Britaniya Mərkəzi ilə tanış olublar.
 

ADNSU və Böyük Britaniyanın Lester Universiteti arasında əməkdaşlığa dair saziş imzalanıb

 

Sonra ADNSU-nun rektoru, professor Mustafa Babanlı Lester Universitetinin prezidenti və nümayəndə heyəti ilə görüşüb. Görüşdə rektor M.Babanlı universitetdəki tədris prosesi və yeniliklər barədə qonaqlara məlumat verib. Hazırda universitetdə 14 ixtisas üzrə ingilis dilində tədrisin aparıldığını qeyd edən rektor tələbələrin ingilis dilində tədrisə marağının yüksək olduğunu və buna görə də bu istiqamətdə işlərin daha inkişaf etdirilməsinin planlaşdırıldığını vurğulayıb. Rektor M.Babanlı qonaqlara ADNSU-nun nəzdində fəaliyyət göstərən Fransız-Azərbaycan Universiteti (UFAZ) haqqında da geniş məlumat verib.
 

ADNSU və Böyük Britaniyanın Lester Universiteti arasında əməkdaşlığa dair saziş imzalanıb

 

Görüşdə ADNSU-nun Beynəlxalq Əlaqələr üzrə prorektoru, dosent Rafiq Camalov, rektorun müşaviri Rusif Hüseynov, Beynəlxalq Əməkdaşlıq şöbəsinin müdiri Cəmilə İsmayılzadə Erasmus+ tələbə mübadiləsi proqramı çərçivəsində Lester Universitetində təhsil alan tələbələr, ADNSU-da kitabxananın müasirləşdirilməsi istiqamətində Lester Universitetinin standart və təcrübəsindən istifadə edilməsini nəzərdə tutulan layihələr haqqında məlumat veriblər.
 

ADNSU və Böyük Britaniyanın Lester Universiteti arasında əməkdaşlığa dair saziş imzalanıb

 

Lester Universitetinin prezidenti, professor Pol Boyl ADNSU ilə əməkdaşlıqdan məmnunluq duyduğunu və bu əməkdaşlığın inkişafı istiqamətində səylərini əsirgəməyəcəklərini qeyd edib.
 
Görüşdə həmçinin birgə proqram çərçivəsində bəzi ixtisaslar üzrə mütəxəssis hazırlanmasına dair məsələlər də müzakirə olunub. Qərara alınıb ki, qarşıdakı həftələr ərzində hər iki universitetin rəsmiləri arasında müvafiq ixtisasın seçilməsi və birgə proqramın yaradılması ilə bağlı bütün detalların razılaşdırılması ilə bağlı intensiv əməkdaşlıq aparılacaq.
 

ADNSU və Böyük Britaniyanın Lester Universiteti arasında əməkdaşlığa dair saziş imzalanıb

 

Görüşün sonunda ADNSU və Lester Universiteti arasında əməkdaşlığa dair saziş imzalanıb.
 
istinad moderator.az
Məqalə Göndər








Загрузка...