Xəbərlər
13 fevral 2017
7 179
Dünyanın ən güclü riyaziyyatçıları bu ölkələrdə yetişir- Azərbaycan neçənci sırada?
Dünya Təhsil Forumu riyaziyyat və təbiət fənləri üzrə dünyada ilk sırada olan ölkələri müəyyən edib.
Aztehsil.com moderator.az-a istinadən xəbər verir ki, 76 dövlətin yer aldığı siyahıda məktəb və universitetlərdə IQ və riyazi bilikləri yüksək səviyyədə olan şagird-tələbələrin ümumi göstəriciləri nəzərə alınıb.
Reytinq cədvəlində qonşularımız – Rusiya, Türkiyə, Gürcüstan və İran da yer alır. Bunların içərisində ən yaxşı göstərici Rusiyaya məxsusdur. Şimal qonşumuzun gəncləri dünyada riyazi biliklərinə görə 34-cü sıradadırlar. Türkiyə 41, Gürcüstan 50, İran isə 51-ci yerdə qərarlaşıb. Təəssüflər olsun ki, 76 ölkə arasında Azərbaycanın adı yoxdur:
Siyahının ilk pillələlərində yer alan ölkələr bunlardı:
1. Sinqapur,
2. Honk Konq,
3. Cənubi Koreya,
4. Yaponiya,
5. Tayvan,
6. Finlandiya,
7. Estoniya,
8. İsviçrə,
9. Hollandiya
10. Kanada
