Xəbərlər / Ziyalılar
08 iyun 2020
1 337
360-dan çox alim elmi dərəcəsindən məhrum edilib
Rusiyada son altı ildə 360-dan çox elmlər namizədi və elmlər doktoru elmi dərəcəsindən məhrum edilib.
"Uçitelskaya qazeta"nın məlumatına əsasən, bu barədə Rusiya Federasiyasının Elm və Ali Təhsil naziri Valeriy Falkov birbaşa yayımda bildirib.
"Hər hansı bir vətəndaş və təşkilat elmi dərəcədən məhrum edilməsi ilə bağlı nazirliyə müraciət edə bilər. Son altı ildə 465 belə müraciət qəbul edilib. Elmi dərəcədən məhrum edilmə ilə bağlı 365 qərar qəbul olunub. Hər il daha çox belə müraciətlər edilir. 2018-ci ildə müraciətlərin sayı 200-dən az idisə, ötən il 204 olub", - deyə V.Falkov bildirib.
Onun sözlərinə görə, dissertasiyaların müdafiəsi zamanı pozuntularla bağlı vəziyyət də yaxşılığa doğru dəyişir: "Elmi işi müdafiə etmək daha da çətinləşib, həm də daha çox aşkarlıq var".
"Artıq belə bir anlaşma yaranıb ki, alimlik dərəcəsi ciddi işdir; bu, tədqiqat və inkişafla məşğul olanların müstəsna hüququdur", - deyə nazir əlavə edib.
