“İnkişaf etmiş ölkələrdə təhsil hansı səviyyədə təşkil olunubsa, bizdə də elədir ”

Naxçıvan Müəllimlər İnstitutunun Elmi Şurasının onlayn formatda növbəti iclası keçirilib.

İnstitutun rektoru Azad Novruzov koronovirus pandemiyasının respublikamızda yayılmasının qarşısının alınması məqsədi ilə görülən tədbirlərdən danışıb. Bir sıra sosial layihələrin həyata keçirildiyini vurğulayan rektor bunlardan biri kimi aztəminatlı ailələrin övladlarının təhsil haqqının dövlət hesabına ödənilməsini qeyd edib. Onun sözlərinə görə, inkişaf etmiş dünya ölkələrində karantin dövründə təhsil hansı səviyyədə təşkil olunubsa, muxtar respublikada, o cümlədən Naxçıvan Müəllimlər İnstitutunda da eyni formada təşkil edilib.

Sonra onlayn iclasda Elmi Şuranın gündəliyi təsdiq olunub, gündəliyə uyğun olaraq, Naxçıvan Müəllimlər İnstitutu Elmi Şurasının tərkibində qismən dəyişikliklər edilməsi, institutda karantin dövründə tədrisin təşkili vəziyyəti və qarşıda duran vəzifələr, fəlsəfə doktoru hazırlığı üzrə 2019-cu ildə qəbul olunan doktorant və dissertantların müvafiq kafedralara təhkim edilməsi, onların dissertasiya mövzusu, fərdi iş planı və elmi rəhbərlərinin (məsləhətçiləri) təsdiqi haqqında məsələlər müzakirə olunaraq, uyğun qərarlar qəbul edilib.

Onlayn iclasda institutun ixtisasartırma və yenidən hazırlanma üzrə prorektoru Çapay Quliyev, elmi katib Qurban Qurbanlı, fakültə dekanları Arif Ağalarov və Rövşən Vəliyev məruzələrlə çıxış ediblər.

Bildirilib ki, 2019/2020 – ci tədris ilinin ikinci yarımili (yaz semestri ) üçün tədrisi nəzərdə tutulan fənlərin (ixtisaslar və kurslar üzrə) mühazirə mətnləri, imtahan sualları institutun rəsmi saytında (nmi.edu.az) yerləşdirilib.

Bundan başqa, tədris prosesi dərs cədvəlində göstərilən qrafikə uyğun Zoom Cloud Meetings proqramı vasitəsilə təşkil edilir. İnstitutun professor-müəllim heyətinin Zoom Cloud Meetigs və digər proqramlardan istifadə biliklərinin artırılması məqsədilə onlayn qaydada kurslar təşkil olunub və maarifləndirici bilikləri özündə əks etdirən video çarxlar hazırlanaraq əməkdaşlara təqdim edilib.

Əlavə tədbirlər olaraq professor-müəllim heyətinin tədris etdiyi fənnlərin video formatında mühazirələri hazırlanır və institutun rəsmi facebook səhifəsinə yerləşdirilir.

Müntəzəm olaraq dekanlıq və kafedralarda onlayn iclaslar keçirilərək görülən işlər və qarşıda duran vəzifələr müzakirə olunur.

Qeyd olunub ki, təlim işləri ilə yanaşı , tərbiyə işləri də diqqət mərkəzində saxlanılır. Bu müddət ərzində tələbələrlə əlaqə yaradılaraq müxtəlif maarifləndirici tədbirlərə qoşulmaları təmin edilib. Bunlardan "Naxçıvanın səsi " radiosu və "Kanal 35 "televiziyasının birgə hazırladığı "Evdə qal, kitabsız qalma” adlı layihədə iştirak, onlayn kitab müzakirələrinin təşkili, müxtəlif ixtisaslarda təhsil alan tələbələrin ixtisaslarına uyğun onlayn tədbirlərin hazırlanması misal göstərilib.

Məqalə Göndər