Xəbərlər
08 aprel 2020
2 034
Buraxılış və qəbul imtahanları onlayn formada keçirilə bilər? – “Real görünmür”
"Onlayn buraxılış və qəbul imtahanlarının keçirilməsi hazırkı halda mümkün görünmür”.
Bu fikirləri AzEdu.az-a açıqlamasında Dövlət İmtahan Mərkəzində Tarix fənni üzrə seminar müdiri Kərəm Məmmədov deyib.
O, elektron imtahanların keçirilmə ehtimalına münasibət bildirib:
"Hazırkı dövrdə elə suallar var ki, onların cavabını dəqiq vermək mümkün deyil. Abituriyentlərin qəbul və ya buraxılış imtahanlarını onlayn şəkildə verməyi mümkün görünmür. İstənilən halda onları bir otağa toplasalar, aralarında xeyli məsafə olmaldır. Bizdə o qədər material, resurs varmı? Yaxud o qədər bina varmı ki, abituriyentlərin hamısını yerləşdirib onlardan onlayn imtahan götürə bilək. Evdə oturduqları yerdə də bunu təşkil etmək olmaz. Hazırda imtahanlara xeyli sayda nəzrarətçi cəlb olunur.
Hər halda məcburiyyətdən mexanizmi işləyib tapmaq olar. Ancaq indiki halda mümkün deyil”.
"Bilik hər zaman abituriyentin özündədir. İmtahanın ənənəvi, yaxud onlayn keçirilməsi sonrakı mərhələdir”-deyərək K.Məmmədov sözlərinə əlavə edib.
