ATV-nin “Yoxlama”sı ilə qalmaqal yaşayan direktor vəfat etdi
Telman Qardaşov insult keçirdikdən sonra yerləşdirildiyi xəstəxanada dünyasını dəyişib
Baknın 171 saylı orta məktəbinin direktoru Telman Qardaşov vəfat edib. Bizimyol.info saytına verilən məlumata görə, T.Qaraşov dünən metroda insult keçirib və xəstəxanaya yerləşdirilib. Bu gün isə xəstəxanada dünyasını dəyişib.
Qeyd edək ki, Telman Qaraşov bir müddət əvvəl "ATV” telekanalında yayımlanan "Yoxlama” verilişi ilə qalmaqal yaşamışdı. Məktəb rəhbərliyindən saytımıza bildirilmişdi ki, 6 yanvar 2017-ci il tarixində verilişin aparıcısı Azər İsmayılov 12 nəfərdən artıq idmançı görünüşlü şəxslə gələrək məktəbdə zorla şəkiliş aparmış, təqribən bir saat müddətində məktəbdə böyük ajiotaj yaratmışdır. "Məktəbin müxtəlif ərazilərində, həmçinin icazəsiz siniflərə daxil olaraq tədris prosesini kobudcasına pozaraq çəkilişlər aparıblar.
Məktəb rəhbərliyinin dəfələrlə müraciətinə əhəmiyyət verməmiş, özlərini sözün həqiqi mənasında qoçu kimi aparmışlar. Bu qoçu dəstəsinin üzvləri tərəfindən müəllimlərə və məktəbin texniki personalına qarşı kobudluqlar edilmiş, ələ salma tipli suallar verilmiş, qeyri-etik ifadələrlərlə onların hissiyyatına toxunmuşlar. Heç bir xəbərdarlıq etmədən həmin gənc oğlanlar qız şagirdlər üçün nəzərdə tutulan ayaqyoluna daxil olaraq çəkiliş aparmışlar.
Bütün bunlar ciddi narahatçılıq yaratmış, həmin "çəkiliş qrupu”nun törətdiyi qalmaqal şagirdlər, müəllimlər və valideynlər arasında vahiməyə səbəb olmuşdur. Bu hadisədə ən acınacaqlı hal ondan ibarət olmuşdur ki, ATV kanalının əməkdaşlarından biri məktəbin 6e sinif şagirdini kobudcasına itələyərək yıxmış və ona xəsarət yetirmişdir” – deyə məktəb rəhbərliyi bildirirdi.
Məsələnin ictimailəşməsindən sonra ATV telekanalı məsələ ilə bağlı açıqlama verərək ittihamlarla razılaşmayıb. Kanaldan Bizimyol.info saytına bildirilib ki, "Yoxlama” verilişinin ətrafında qoparılan növbəti süni və saxta hay-küy tamamilə əsassızdır: "Həmçinin məlum məktəb rəhbərliyi tərəfindən fəaliyyətlərindəki nöqsanların ifşasının qarşısını böhtan atmaqla örtməyə çalışmaqdan başqa bir şey deyil. Verilişin heç bir çəkilişində hansısa qanunsuzluğa yol verilməyib.
Qeyd edək ki, sözügedən veriliş 10 yanvar tarixində efirə verilib.
http://www.bizimyol.info/news/91197.html
ATV pedaqoji ictimaiyyətdən üzr istəməlidir "sadə həqiqəti bilməyən bir şəxs məktəbdə necə yoxlama apara bilər?"
“Direktor bizi əxlaqsız söyüşlərlə təhqir edib” - Daha bir məktəbdə qalmaqal
Bu gün ölkəmizdə Milli Mətbuat və Jurnalistika günüdür !
M.Mənsimovun tikdirdiyi kənd məktəbinin qazını kəsdilər -müəllimlər ayağa qalxdı
ADPU-nun Cəlilabad Filialında 20 Yanvar faciəsinə həsr olunmuş tədbir keçirilib
2 saylı tam orta məktəbdə “Şəhidlər ölməz” adlı anım tədbiri keçirilib.
Mehdiabad qəsəbə 4 saylı orta məktəbdə 20 yanvarla bağlı tədbir keçirilib
Vandam kənd tam orta məktəbinin satılması ilə bağlı şaiələr yayılıb
Məlum olub ki, tam orta təhsil verən bir sıra məktəblərdə əslində 10-11-ci siniflər yalnız kağız üzərində “fəaliyyət göstərirmiş”.
Müəllimlərin nəzərinə! Müəllim məktəbə gələrkən ....
Hesab edirəm ki, gələcəkdə bu tipli problemlərin yaranmaması üçün valideynlər də diqqətli olmalıdırlar
ADPU-nun Quba Filialında 20 Yanvar faciəsinə həsr edilən anım mərasimi keçirilib