Xəbərlər
06 mart 2020
7 158
Dərslərin təxirə salınması Novruz tətilinə qədər uzadılsın - Ekspert
"Azərbaycan Respublikası Nazirlər Kabinetinin yanında operativ qərargahın məlumatına görə, İrandan gələn daha 3 nəfərdə koronavirus aşkarlanıb.
Beləliklə, Azərbaycanda koronavirus xəstələrinin ümumi sayı 6 nəfərə çatıb. Eyni zamanda hazırda 500-dək koronavirus şübhəsi olan Azərbaycan vətəndaşları karantindədir. Hələ nə qədər də bu virusu gizli daşıyan şəxslər var ki, ailədə və cəmiyyətdə yaşayır”.
Demokrat.az-ın xəbərinə görə, bunu iqtisadçı ekspert Qubad İbadoğlu deyib.
"Belə olan halda, koronovirus daşıyıcılarının və onda şübhəli bilnənlərin sayında son bir neçə gündə 2 dəfədən çox artımın müşahidə olunduğu şəraitdə uşaqlara və gənclərə yönələn risklər aradan qaldırılmamış martın 10-dan Novruz tətilinə qədər olan 1 həftə ərzində məktəblərdə və Universitetlərdə tədrisi yenidən bərpa etmək təhlükəlidir. Odur ki, təklif edirəm ki, Təhsil Nazirliyinə müraciət edək və Nazirlər Kabineti qarşısında məsələ qaldıraq ki, dərslərin təxirə salınmasını Novruz tətilinə qədər uzatsın. Xahiş edirəm dəstək olun və paylaşın”- Q.İbadoğlu qeyd edib.
