Xəbərlər
10 fevral 2020
3 764
Bakı Dövlət Peşə Təhsil Mərkəzi 8 ixtisas üzrə vakansiya elan edib
Sənaye və İnnovasiyalar üzrə Bakı Dövlət Peşə Təhsil Mərkəzi 8 ixtisas üzrə vakansiya elan edib.
Təhsil Nazirliyindən Mektebgushesi.az -a bildirilib ki, mərkəz informasiya kommunikasiya texnologiyaları, avtomatlaşdırma, tikinti, mexanika, elektronika, elektrotexnika, sənaye quraşdırma və avtomobil ixtisasları üzrə müəllimliyə vakansiya elan edib. İşə qəbul prosesi fevralın 28-dək davam edəcək.
Müəllim və ya müəllim köməkçisi işləmək istəyən namizədlər qeyd olunan ixtisaslar üzrə peşə və ya ali təhsilə, sənaye təcrübəsinə, Azərbaycan, rus və ingilis dili biliklərinə malik olmalıdırlar.
Seçim zamanı peşə təcrübəsi olanlara üstünlük veriləcək.
Namizədlər CV-lərini yuxarıda qeyd olunan ixtisaslardan birini "Mövzu” hissəsində qeyd etməklə, [email protected] elektron poçt ünvanına göndərə bilərlər.
Xatırladaq ki, ən son texnoloji imkanlara malik Sənaye və İnnovasiyalar üzrə Bakı Dövlət Peşə Təhsil Mərkəzi Azərbaycan və Koreya hökumətləri arasında razılaşmaya uyğun olaraq, bu ölkənin təhsil standartları əsasında qurulan müasir təhsil kompleksidir.
