"Ümumtəhsil məktəblərində təmayyüllərin təsis olunması" ilə bağlı maarifləndirici görüşlər keçirilib.
Yanvarın 19-da Göygöl rayon ümumtəhsil məktəblərində "Ümumtəhsil məktəblərində təmayyüllərin təsis olunması” ilə bağlı maarifləndirmə tədbirləri keçirilib.
Şəhər və kənd məktəbləri də daxil olmaqla keçirilən maarifləndirici tədbirlərdə müvafiq məktəblərdə müəllim, şagird və valideynlər iştirak edib. Təmayüll sinifləri, onların formaları, şagirdlər tərəfindən seçilə biləcək fənlər, bu siniflərin hansı formada fəaliyyət göstərərcəyi və digər məsələlər diqqətə çatdırılıb.
Maarifləndirici görüşlərə Göygöl Rayon Təhsil Şöbəsinin işçiləri tərəfindən müvafiq siyahıya uyğun olaraq keçirilib.
Məlumat üçün bildirək ki, təmayülləşmə müvafiq fənləri əhatə edən təhsil sahələri üzrə bilik və bacarıq səviyyəsi ilə fərqlənən şagirdlərin istedadlarının, potensial imkanlarının, meyil və maraqlarının reallaşmasına, onların ümumi inkişafına əhəmiyyətli dərəcədə təsir göstərən prosesdir. Təmayyüllər üzrə bölgü riyaziyyat-iqtisadiyyat, texniki fənlər, humanitar fənlər və təbiət fənləri olaraq 4 qrupa bölünəcək.
Təmayyül sinifləri müəyyənləşdirilərkən bu müəssisələrdə bir neçə paralel IX siniflərin olması, məktəbin infrastrukturunun, ilk növbədə maddi-tədris bazasının hazırkı tələblərə cavab verməsi, bunlarda peşəkar səviyyəli və təcrübəli fənn müəllimlərinin çalışması, eləcə də məktəblərə rəhbərlik edən şəxslərin idarəetmə sahəsində səriştə və bacarığı vacib şərtlər kimi nəzərə alınır.
Raminə Məmmədova(ictimaiyyətlə əlaqələr üzrə məsul şəxs)
aztehsil.com
