Təhsil millətin gələcəyidir və təhsilə qoyulan sərmayə heç vaxt batmaz deyirlər. 20 il əvvəl Balakəndə təhsilin vəziyyəti ürək açan deyildi. Şagirdlər qaranlıq otaqlarda, qırıq partalarda dərs keçirdilər. O zamanlar büdcədən pul təminatı yox idi. Buna görədə məktəbləri təmir-bərpa etmək o zamanlar üçün çox çətin idi.
2000-ci ildə Nəsib Məhəməliyev Balakən rayon İcra Hakimiyyətinin başçısı təyin olunduqdan dərhal sonra rayon ərazisində "Təhsilə yardım" kompaniyası başlatdı. Qısa zamanda 900 müasir səviyyəli partalar alınıb məktəblərə paylanıldı. Balakəndə 900 şagird qırıq stulda oturmaqdan, evdən stullar, kürsülər daşımaqdan xilas oldular. Nəsib Məhəməliyev icra başçısı təyin olunduqdan dərhal sonra gördüyü ilk işlərdən biri rayon ərazisindəki bütün məktəblərə tək-tək baş çəkmək oldu. Çünki təhsil hər şeydən öndə gəlirdi.
Həmən dövrdə rayon Texniki və Humanitar Təmayüllü Liseyi olduqca yarasız və şagirdlərin dərs keçməsi üçün heç bir standarta cavab verməyən keçmiş uşaq poliknikasının bir neçə otaqdan ibarət binasında fəaliyyət göstərirdi. Nəsib müəllim keçmiş xəstəxananın binasını təmir etdirərək liseyin binasını buraya köçürtdü. Liseyin şəraitinin yaxşılaşdırılması üçün icra hakimiyyəti həmən dövrdə var gücü ilə çalışırdı.
Qısa zamanda Balakən liseyi nəinki regionun, bütün respublikanın ən qabaqcıl təhsil müəssələrindən birinə çevrildi. Nəsib Məhəməliyev Balakən rayonun icra başçısı olduğu dövrdə Texniki və Humanitar Təmayüllü Lisey və Akademik Zərifə xanım Əliyeva adına şəhər 3 saylı tam orta məktəb üçün yeni inzibati binaların tikilməsi məsələsi dövlət proqramına salındı.
Balakən rayon Tarixi-Diyarşünaslıq Muzeyi yenidən formalaşdırılmış, muzey üçün icra hakimiyyətinin yanında yeni inzibati bina tikilmişdir. Nəsib müəllim ayrıca muzeydə şəhidlərin xatirəsi ilə bağlı ayrıca yerin ayrılmasınıda təklif etmişdir. Dəfələrlə məktəblərin təbii qazla təminatı məsələsini qaldırmış, "Kadr Bankı" yaradılması ilə bağlı çıxışları olmuşdur. Bu dövlət və özəl sektora bacarıqlı kadrların şəffaf üsulla seçilib irəli çəkilməsinə üçün gərəkli idi. Cənab prezidentin sərəncamı ilə artıq bu istiqamətdə işə başlanmışdır.
Milli Məclisin deputatı kimi bu qərarın ən güclü müdafiəçisi olmuşdur. Nəsib müəllim dəfələrlə dövlət qulluğuna qəbul imtahanın üsulunun sadələşdirilməsi barədə məsələ qaldırmışdır. Dövlət başçısının bu məsələdəki qərarlarını daim dəstəkləmiş, bu barədə mediyaya ən çox açıqlama verən deputatlardan biri olmuşdur. Milli Məclisin deputatı kimi daim ona müraciət edən tələbələrin problemlərinin həllinə yardımçı olmuşdur. Təhsil haqları və digər məsələlərlə bağlı dəfələrlə yardımlar göstərmişdir və göstərməkdə də davam edir. Ulu öndər Heydər Əliyev "Təhsil millətin gələcəyidir" demişdir.
Nəsib Məhəməliyev istər deputatlıq, istərsədə ondan əvvəlki fəaliyyəti dövründə daim bu devizi öndə tutmuş, bunun üçün var gücü ilə çalışmışdır. Hər zaman təhsil məsələsi Nəsib müəllimin fəaliyyətinin ən öndə istəqamətini təşkil etmişdir. Hazırda da Balakən rayonunda ən müasir standartlara cavab verən elektron kitabxananın yaradılması məsələsi bu sahədə irəli sürülən əsas hədəflərdən biridir.
Belə bir kitabxana rayon ərazisində gənclərin asudə vaxtının daha da səmərəli keçirilməsinə, dünya ədəbiyyatı ilə daha yaxından tanış olma imkanına və daha əhatəli kitabxana şəbəkəsinin formalaşdırılması üçündür. Facebookdakı profili fəaliyyət göstərən, ölkənin ən əl çatan deputatlarından olan Nəsib müəllim daim rayon gənclərinin təkliflərini, problemlərini dinləmiş, bunların həlli üçün əməlli tədbirlər görmüşdür.
Onların fəaliyyətini sosial şəbəkə vasitəsi isə izləmiş, lazımi tövsiyyə və yardımlarını heç vaxt əsirgəməmişdir. Qısa zamanda sosial şəbəkənin imkanlarından istifadə edərək rayon gəncləri ilə sıx dosdluq münasibəti qurmuşdur. Heç şübhəsiz ki, Nəsib müəllim yenidəm Milli Məclisin deputatı seçilərsə fəaliyyətinin ən başlıca istəqaməti gənclərin inkişafı, elm və təhsil sahəsində olacaqdır. Çünki xalqın dahada inkişaf etməsi, irəli getməsi üçün xalqın balalarının savadlı olması ən başlıca şərtdir. Nəsib müəllim bunu başlıca hədəfinə çevirən və bunun üçün əməlli addımlar atan siyasətçidir.
Balaken.info//
