Pearl Harbor əməliyyatı və ABŞ-ın müharibəyə qoşulması

1939-cu il sentyabrın 1-də Almaniyanın Polşaya hücumu ilə ikinci dünya müharibəsi başladı. Bu müharibə həm miqyasına, həm insan tələfatına, həm ölkələrin çoxluğuna, həm də canlı və hərbi texnikanın sayına görə birinci cahan hərbindən daha böyük idi.

Onun başlamasına səbəb ilk dünya müharibəsində məğlub olaraq torpaqlarının müəyyən hissəsini itirən, üzərinə külli miqdarda borclar qoyulan, bir növ uduzaraq alçaldılan Almaniyanın intiqam hissləri və birinci dünya müharibəsi bittikdən sonra, böyük üçlük tərfindən İtaliya ilə Yaponiyaya verilən sözlərin yerinə yetirilməməsi oldu. Bu savaşda iki hərbi- İtaliya, Almaniya, Yaponiya bloku və Böyük Britaniya, Fransa bloku vardı. Bundan başqa ABŞ və SSRİ-nində sıralarında olduğu bitərəf dövlətlər vardı. Həm ABŞ, həm də SSRİ 1941-ci ilə kimi tərəfsiz qalır ancaq, Almaniya ilə Yaponiyanın hücumları nəticəsində hər ikisi müharibəyə daxil olur. ABŞ hələ müharibədən əvvəl döyüş ocaqlarının yarandığı vaxt, 1935-ci ildə konqresinin qəbul etdiyi qanunla savaşa qatılmamaq qərarı aılr və özünü bitərəf elan edir. Lakin 1941-ci ilin dekabrın 7-də Yaponiya ABŞ-ı özünə təhdid bilərək Havaidə yerləşən Pearl Harbor bazasına hücum etdi. Yaponiya bununla Sakit okeanda işğal etdiyi adaların təhlükəsizliyini təmin etmək və ölkəyə şərq sərhədlərindən, gələcəkdə ABŞ hücumlarının baş vermə ehtimallarının qarşısını almaq məqsədi güdürdü.

Pearl Harbor əməliyyatı ABŞ donanmasına xeyli zərər yetirdi. Belə ki, hərbi hücum nəticəsində Yaponlar onların 12 gəmisini batırdı, 188 döyüş təyyarəsini məhv etdi və 2000-dən çox əsgərini öldürdü. Bundan sonra həmin dövrdəki prezident Franklin Ruzvelt təcili iclas keçirdərək Yaponiyaya qarşı hücuma keçmək təklifini irəli sürdü və alınan qərar ilə ABŞ antihitler koalisiyası tərəfindən müharibəyə qatıldı. Bu ölkənin savaşa daxil olması antihitlər koalisiyasını gücləndirdi və beliklə 1942-ci ilin iyunundan- 1944 cü ilin yanvar ayına qədər bu koalisiyanın üstünlüyü ilə davam edən müharibənin ikinci dövrü başlandı.

Elşən Abdulkərimov.