Ağstafa rayon Həsənsu kənd orta məktəbində 20 yanvarla bağlı tədbir keçirilib
"20 Yanvar” faciəsinin 27-ci il dönümü qeyd edilib.
Yanvarın 17-də Həsənsu kənd tam orta məktəbdə "20 Yanvar” faciəsinin 27-ci il dönümü qeyd edilib. Məktəb kollektivi faciə qurbanlarını bir dəqiqəlik sükutla yad ediblər.
Tədbirdə məktəbin direktoru Mətanət Rəhimova- "1990-cı il yanvarın 19-dan 20-nə keçən gecə Bakı şəhərinə və Azərbaycanın bir neçə rayonuna keçmiş Sovet İttifaqının qoşun hissələri fövqəladə vəziyyət elan edilmədən yeridilmiş, dinc əhaliyə divan tutulmuş, yüzlərlə insan qətlə yetirilmiş, itkin düşmüşdür” deyə qeyd edib.
Daha sonra məktəblilərin sinif qəzetləri nümayiş etdirilib. Şagirdlərin iştirakı ilə "20 Yanvar” faciəsi ilə bağlı səhnəcik və şeirlər təqdim edilib, videoçarxlar izlənilib.
Ağstafa rayonu,Həsənsu kənd tma orta məktəbi
Nəcibə Vəliyeva (məsul şəxs)
Aztehsil.com
