Yanvarın 17-də R. Yusifov adına şəhər 2 nömrəli tam orta məktəbdə zona seminarı keçirilib
Yanvarın 17-də R. Yusifov adına şəhər 2 nömrəli tam orta məktəbdə IX sinif buraxılış imtahanlarında edilən forma və məzmun dəyişiklikləri barədə təhsil işçilərinin maarifləndirilməsi məqsədilə zona seminarı keçirilib. Seminarda Baş Əmirxanlı, şəhər 2, 4, 5 nömrəli tam orta, Sincanboyad, Xəlfələr, Vələsli, Xəlili, Çölquşçu, 1 nömrəli ümumi orta məktəblərin direktorları, direktor müavinləri, Azərbaycan dili və riyaziyyat müəllimləri, həmin məktəblərin IX sinif rəhbərləri iştirak ediblər.
Seminar müddətində 2016/2017-ci tədris ilinin IX sinif buraxılış imtahanlarının 1-ci mərhələsində Azərbaycan dili və riyaziyyat fənnindən veriləcək açıq tipli sual nümunələri fənn müəllimləri tərəfindən təhlil və müzakirə olunub.
Sonda isə seminar iştirakçılarının rəy və təklifləri dinlənilib.
Şabran Rayon Təhsil Şöbəsi
Aztehsil.com
