H/N sənədlər
12 sentyabr 2016
19 759
" BİLİK GÜNÜ "nün təsis edilməsi haqqında Prezdentin 114 №-li ƏMR
Azərbaycan Respublikasında «Bilik günü»nün təsis edilməsi və təhsil müəssisələrində iş rejiminin tənzimlənməsi haqqında
Azərbaycan Respublikası Prezidentinin Fərmanı
Azərbaycan Respublikasının təhsil müəssisələrində təlimin keyfiyyətinin yüksəldilməsinə xidmət edən səmərəli fəaliyyət sisteminin qurulması ilə əlaqədar bu müəssisələrdəki mövcud iş rejiminin təkmilləşdirilməsi məqsədilə qərara alıram:
1. Müəyyən edilsin ki, Azərbaycan Respublikasının bütün təhsil müəssisələrində dərslər sentyabrın 15-dən başlanır.
2. 15 sentyabr «Bilik günü» elan edilsin.
3. 2004/2005-ci dərs ilindən Azərbaycan Respublikasının ümumtəhsil məktəblərinin I-IV siniflərində beşgünlük tədris həftəsi tətbiq olunsun.
4. Azərbaycan Respublikasının Təhsil Nazirliyi Azərbaycan Respublikası Prezidentinin İcra Aparatı ilə razılaşdırılmaqla, 2005/2006-cı dərs ilindən başlayaraq, ümumtəhsil məktəblərinin mövcud imkanlarını nəzərə alıb, onların beşgünlük tədris həftəsinə keçməsini təmin etsin.
5. Azərbaycan Respublikasının Nazirlər Kabineti bu fərmandan irəli gələn məsələləri həll etsin.
6. Bu Fərman imzalandığı gündən qüvvəyə minir.
Azərbaycan Respublikasının Prezidenti İlham ƏLİYEV
Bakı şəhəri, 21 avqust 2004-cü il № 114
«Azərbaycan» qəzetində dərc edilmişdir (22 avqust 2004-cü il, № 195) («VES Consultancy» LLC).
«Azərbaycan Respublikasının Qanunvericilik Toplusu»nda dərc edilmişdir (31 avqust 2004-cü il, № 8, maddə 622) («VES Consultancy» LLC).
