“Düşüncə tərzimizdə dəyişiklik olmadan yüksək təhsilə-yaxşı yaşayışa nail olmaq mümkün deyil”

-Bütün dünyada olduğu kimi Azərbaycanda da təhsil yüksək səviyyədə inkişaf etmədən elmi nəaliyyətlərə nail olmaq mümkün deyil.Bu da dünyada ölkəmizin elmi nəaliyyətlətlərdən uzaq durmasına gətirir.Bütün sahələrdə nəzəri biliklərlə praktiki biliklər arasında  uçurum aradan qaldırılmadan hansısa bir sahədə uğur qazanmaq şansı yox səviyyəsindədir.Bunun üçün bütün təhsil ocaqlarında,idarələrdə və digər müəssisələrdə laboratoriya otaqları normal vəziyyətdə olmalı,oraya aid olan bütün avadanlıqlar kağız üzrində yox,otaqda işlək vəziyyətdə olmalıdır.Təcrübə və tədqiqat üçün lazımi maliyyə yardımı ayrılmalıdır.Təəssüflər olsun ki,Ölkəmizdə təhsil sahəsinə  yetərincə kapital qoyulmur.Bu kapital həm dövlət,həm də özəl sektor tərəfindən qoyulmalıdır ki,rəqabət nəticəsində təhsilimiz daha da  inkişaf etsin.İnsanlarda elmin inkişafında böyük  maraq olsun.Nəticədə elmtutumlu sahələrin gəlirləri hösabına ölkəyə böyük kapitallar axın etsin.Hamı bilir ki,ən böyük kapital təhsildən yaranır.Amma ölkəmizdə bu durum normal vəziyyətdə deyil.Əksinə valideynlərin də çoxu uşaqlarını təhsilə tərəf yox,gəlir harada çoxdursa,həmin tərəfə istiqamətləndirir.Ölkədə təhsil sahəsində  yaxşı güzəran yoxsa,insanlar bazarı,xırda biznes sahəsini seçməyi daha üstün bilirlər.Amma iqtisadiyyatda belə bir termin var:”Qəpiyin dalınca düşüb manatı itirənlər”.Bizim valideynlərin əksəriyyəti də bu cürdür.Tezliklə evi,gəlirli işi,maşını olsun,amma düşünmürlər ki,güclü təhsili olmadan,güclü iqtisadiyyatı olmadan,güclü səhiyyəsi olmadan təmiz əxlaqa,sivil yaşayış səviyyəsinə və sağlam həyata qovuşmaq mükün deyil.İnsanların düşüncə tərzini dəyişmək üçün bütün cəmiyyət,xüsusən də ziyalılar silahlanmalıdır.Dövlət isə lazımı addımları gecikmədən atmalıdır ki,gələcəkdə bizi gözləyən böyük təhlükələr olmasın.Müəllim və həkimlərin normal yaşayış  səviyyəsi olmadan insanların düşnücə tərzini dəyişmək çox çətin olacaq.Əgər bu sahədə normal yaşayış səviyyəsi bərpa edilməsə,bu zaman bizi nələr gözləyir?Yenə də Dövlət bu istiqamətdə bütün variantları düşünməli,xüsusi proqramlar qəbul etməli,savadlı,gənc və istedadlı kadrlarlar irəli çəkilməlidir.Milli şüurumuzda dəyişiklik olmadan korrupsiyaya son qoymaq mümkün olmayacaq.Uzun müddət ərzində insanlarda formalaşan düşüncə tərzində olan neqativləri qısa müddətdə silmək mümkün deyil.Bunun üçün hətta orta məktəblərdə ədəbiyyat və tarix dərslərində xüsusi mövzular salınmalı,yarışlar və tədbirlər keçirilməlidir.Telekanallar buna aid verilişlər verməlidir.Ən böyük dərdimiz isə informasiya dərdidir.Həm qəzetlərdə,həm radiolarda,həm də televizor sahəsində bu istiqamətdə işlər çox pis durumdadır.İntelektual və tərbiyəvi verilişlərin sayı yetərincə deyil.Uşaq psixologiyasını pozan,əxlaqa qarşı olan verilişlər isə hədsiz dərəcədədir.Demirəm buna qarşı senzura tətbiq olunsun.Buna qarşı ictimai təpki olmalıdır.Bu ictimai təpki isə ziyalılar tərəfindən qaynaqlanmalıdır.Təhsil Nazirliyinin və Səhiyyə Nazirliyinin xüsusi telekanalları olmadan biz bu keçid dövründən çətin xilas ola bilərik.İstənilən azərbaycanlı dünyada onları bazar adamı kimi yox,elm sahəsinin nümayəndələri kimi tanmaq istəyirsə,işıq olan tərəfi düşünüb həmin tərəfə addımlarını atmalıdır.