Xəbərlər / Valideyn / Müəllim

08 oktyabr 2018

Şagirdləri çökdürən əlavə dərsliklər – “Özləri onları alır, sonra deyirlər ki, biz məcbur edirik”

"Təhsil Nazirliyi bütün məktəblərdə summativlər keçirir. Amma bir neçə fənn istisna olmaqla, summativ vəsaitləri yox dərəcəsindədir. Buna görə də, şagird onları almalı olur. Sonra da deyirlər ki, biz məcbur edirik...”

Bu sözləri AzEdu.az-a açıqlamasında Təhsil Nazirliyinin tədris vəsaitlərinin müəllifi Anar İsayev deyib. O, şagirdlərin dərsliklərdən əlavə almalı olduğu çoxsaylı əlavə vəsaitlər haqqında danışarkən bildirib ki, əsas dərsliklərdir və heç bir köməkçi vəsait onların yerini verə bilməz:

"Köməkçi vəsaitlər şagirdlərin inkişafı, dərsi nə dərəcədə mənimsədiklərinin yoxlanılması və qiymətləndirilməsi üçün əhəmiyyətli olsa da, heç kim şagirdləri onları almağa məcbur etmir. Bu, sadəcə, tövsiyə olunur. İmkanı olanlar alar, olmayanlar isə özləri bilərlər... Təhsil Nazirliyinin ədəbiyyat siyahısında da tədris vəsaitləri göstərilib. Qısası, bu, tamamilə könüllülük prinsipi ilədir”.

"Həm test, həm də mövzunun eyni dərslikdə olması düzgün deyil”

Onun sözlərinə görə, bu vəsaitləri işləməyən şagird isə özünü qiymətləndirə, potensialını öyrənə bilmir. O, hansı səviyyədə olduğu haqda məlumatsız qalır:

"Sonda bütün şagirdlər qiymətləndirmədən keçir. Belə olduqda, bu vəsaitləri almağa məcbur qalırlar. Çünki onlara ehtiyac var. Bizim 12 summativ tədris vəsaitimiz çıxıb. Müəllim öz dərsliyini kənara qoyub, onlara müraciət edir. Çünki dərsliklər tam tələbatı ödəmir. Hazırda Təhsil Nazirliyinin şagird nailiyyətlərinin qiymətləndirilməsinə dair heç bir vəsaiti yoxdur. Yalnız ibtidai sinif istisna olmaqla...

Ümumiyyətlə, həm test, həm də mövzunun eyni dərslikdə olması düzgün deyil. Çünki dərsliyə verilən tələb və prinsiplər var.”

"Kurikuluma keçsək də, maddi texniki bazamız zəifdir”

O, şagirdlərin bu vəsaitləri almaq məcburiyyətində qalmalarının əsas səbəblərini izah edib:

"Təhsil Nazirliyi bütün məktəblərdə summativlər keçirir. Amma bir neçə fənn istisna olmaqla, summativ vəsaitləri yox dərəcəsindədir. Məsələn, Tarixdən biz nəşr etmişik. Coğrafiyadan bir sıra müəllimlər vəsait hazırladılar.

Belə olduqda, müəllim summativləri özü hazırlamaq, çıxarmaq məcburiyyətində qalır. Dövlət bunun üçün heç bir maddi vəsait ayırmır. Müəllim də məcbur olub onu ya öz cibindən qoyur, ya da şagirdlərdən pul yığır. Və ya sinfə belə tədris vəsaitlərini aldırır. Məsələ ondadır ki, biz kurikuluma keçsək də, maddi texniki bazamız sıfırdır. Qonşu ölkələr artıq planşet, kompüterə keçiblər. Amma biz neçə ildir buna keçməmişik. Yalnız layihə olaraq qalıb”.

Dərsliklərin müəllimlərin təkliflərinə əsasən təkmilləşdiyini deyən Anar müəllim sonda testlərlə bağlı fikirlərini bildirib:

"İstərdim ki, bütün siniflər üzrə summativ qiymətləndirmə vəsaitləri olsun. İndi bir neçə kurs "yarpaq testləri” çıxarıb. Onlar bu testləri uşaqların nailiyyətini qiymətləndirmək üçün tətbiq edirlər. Amma orta məktəblərdə bu vəsaitlər olmadığına görə, şagird onları almalı olur. Sonra da deyirlər ki, biz məcbur edirik...”

Məqalə Göndər

Загрузка...

Həmçinin oxuyun:

"...ŞAGİRDLƏRİN DƏRS VƏ İMTAHAN YÜKÜ AZALACAQ" - NAZİRLİK

Təhsil Nazirliyi summativ qiymətləndirmə ilə bağlı təklif olunan yenilikləri açıqlayıb

Azərbaycanda dərsliklər pulla satılır?

Təhsil Nazirliyi: "İmtahanların sayı azaldılır"

Məktəblərdə summativ qiymətləndirmələr ləğv olunur - Təhsil Nazirliyində müzakirələr başlayıb

Azərbaycanda imtahan sisteminin dəyişdirilməsi təklif edilir

Summativ Qiymətləndirmələrlə bağlı ehtimal olunan dəyişikliklər

Məktəbəqədər hazırlıq qrupları üçün dərs vəsaitləri artıq Təhsil Nazirliyi tərəfindən təmin edilib

Bakıda saxta dərsliklər satışa çıxarıldı – FOTO

Məktəblərdə summativlər ləğv olunur: Yazı işləri də azalacaq

“Yeni təhsil proqramı (kurikulum) üzrə qiymətləndirmə tapşırıqları” vəsaitləri -Buraxılış imtahanlarına hazırlaşanların nəzərinə

Mikayıl Cabbarovun təhsil biznesi: Dərs vəsaitləri məcburi satılır?

Ali məktəblərdə elmi-tədqiqat işlərinin maliyyələşdirilməsi qrantlar, ianələr hesabına həyata keçiriləcək

Məktəblərdə müəllimlə yanaşı psixoloq nəzarəti mütləq gücləndirilməli…Psixoloq Səbinə Bayramova

"Bizi düşündürür ki, aşağı siniflərdə summativ qiymətləndirmə nə dərəcədə vacibdir?"-qiymətləndirmələrdə dəyişikliklər olacaq

MİQ-in müsahibə mərhələsinin eksperti: “Burada gördüklərimə mat qalmışam, cəmi bircə müəllim...”

“Məktəblərdə daxili qiymətləndirmə ilə yekun qiymətləndirmənin nəticələri üst-üstə düşmür”

Təhsil Nazirliyindən summativ qiymətləndirmə barədə AÇIQLAMA

DİM dərs vəsaitlərini niyə bahalaşdırır? - Valideynlər NARAZIDIR

Aşağı siniflərdə summativ qiymətləndirmələrin həcmi azalmalıdır- AÇIQLAMA

Dərsliklər düzələcəkmi?

“Qiymətləndirmə və ev tapşırıqları aradan qalxmalıdır” – Ekspertdən sərt etiraz

Məktəblilərin və valideynlərin arzuları reallaşır - Bu qiymətləndirmə ləğv edilə bilər - VİDEO