MİQ-da gizlədilən vakansiyalara ekspertin fikri.."Bakı üçün vakansiya olduqca azdır"

"Orta ümumtəhsil məktəblərində çalışan müəllimlərin attestasiyası çıxarılmadan vakant yerləri çıxarmaq mümkün deyil”.

Təhsil Nazirliyi bu problemi aradan qaldırmaq üçün müqaviləli işçilərin də işə qəbulunu mərkəzləşmiş qaydada həyata keçirəcək.

Aztehsil.com xəbər verir ki, bunu "Sherg.az”a orta ümumtəhsil məktəblərində vakant yerlərin gizlədilməsi iddialarına münasibət bildirərkən tanınmış təhsil eksperti, tarix elmi üzrə fəlsəfə doktoru Kamran Əsədov deyib.

Onun sözlərinə görə, Təhsil Nazirliyi Bakı şəhərində diaqnostik qiymətləndirmədən aşağı bal toplayan müəllimləri işdən azad etməli, bu yerlərə vakansiya açmalı idi:

"Müəllimlərin İşə Qəbul İmtahanında 50 minə yaxın müəllim iştirak etsə də, cəmi 7 minə yaxın vakansiya açıqlanıb. Həmin vakansiyaların 50 mindən çoxu regionlarda yerləşir. Bakı üçün açıqlanan vakansiya olduqca azdır.

Vakansiyaların açıqlanması prosesində neqativ məqamlar qaçılmazdır. Əksər direktorlar mütləq şəkildə həmin yerlərə sonradan bu və ya digər qeyri-qanuni yollarla müqaviləli işçilər götürür. Təhsil Nazirliyi bu problemi aradan qaldırmaq üçün müqaviləli işçilərin də işə qəbulunu mərkəzləşmiş qaydada həyata keçirəcək.

Hesab edirəm ki, vakansiyalar imtahandan öncə çıxarılmalıdır ki, hər kəs istəyinə uyğun yeri tapa bilsin. Əgər kimsə, uyğun vakansiya tapa bilmirsə, imtahanda iştirak etməyəcək. MİQ imtahanlarında yüksək bal toplayan namizədlər var ki, məktəblərdə işə qəbulu çox aşağı səviyyədədir. Ona görə, Təhsil Nazirliyi qısa müddətdə müəllimlərin attestasiyasını keçirməli, yüksək bal toplayan müəllimlərin işə qəbulunu həyata keçirməlidir”.

Qeyd edək ki, Müəllimlərin İşə Qəbulu ( MİQ) Təhsil Nazirliyi sisteminə daxil olan ümumi təhsil müəssisələrinə müəllimlərin işə qəbulu Təhsil Nazirliyi tərəfindən müsabiqə yolu ilə həyata keçirilir. Müsabiqə 4 mərhələdən ibarətdir: elektron ərizədəki göstəricilərin qiymətləndirilməsi, test imtahanı, vakant yerlərin seçilməsi və müsahibə mərhələsi. Bu müsabiqədə orta ixtisas və ali təhsil müəssisələrini pedaqoji ixtisaslar üzrə bitirmiş və dövlət nümunəli diplom almış, xarici ölkədə aldığı ali təhsil haqqında sənədi tanınmış Azərbaycan Respublikasının vətəndaşı və ya Azərbaycan Respublikasında daimi yaşamaq üçün icazə verilmiş əcnəbilər iştirak edə bilər.

Məqalə Göndər