Xəbərlər
13 yanvar 2018
438

ADU-nun qızlar yataqxanasında: “Bizə həsəd aparırlar” - REPORTAJ + FOTOLAR


Daha tez məlumatlanmaq üçün Facebook səhifəmizi bəyən və paylaş

Universitetlərimizdə yataqxana problemi hər zaman aktual olub. Bu gün Azərbaycanda 50-dən çox ali təhsil müəssisəsi fəaliyyət göstərir, amma onların heç də hamısı öz tələbələrini yataqxana ilə təmin edə bilmir. Bu tələbələr üçün ən təəssüfedici məqamdır.


Ancaq yataqxanası olan ali məktəblərlə də bağlı vəziyyət tam qənaətbəxş deyil. Bəzi yataqxanalarda şərait günün tələblərinə cavab vermir, bir sıra hallarda işıq, qaz, su problemi yaşanır, natəmizlik ürək bulandırır. 


Bununla yanaşı, vəziyyəti yaxşı olan tələbə yataqxaları da var.


Aztəhsil.com xəbər verir ki, modern.az-ın əməkdaşı Azərbaycan Dillər Universitetinin (ADU) tələbə yataqxanasına baş çəkərək, oradakı şəraitlə tanış olmağa çalışıb.


Bizi universitetin Tələbə Həmkarlar Təşkilatının sədri Aytəkin Mehdiyeva qarşıladı.

 

Aytəkin xanım bildirdi ki, yataqxana 1979-cu ildən fəaliyyət göstərir. 2013-cü ildə yataqxanada əsaslı təmir işləri aparılıb. Tələbə Həmkarlar Təşkilatının sədri deyir ki, yataqxana heç vaxt diqqətdən kənar qalmayıb. Onun sözlərinə görə, Kamal Abdulla universitetə rektor təyin olunduqdan sonra yataqxanadakı şəraitin yaxşı olması üçün bütün tədbirlər görülüb.


Müsahibimiz onu da qeyd etdi ki,yataqxanada sadəcə qızlar qalır. Oğlanlar isə Azərbaycan Texniki Universitetinin tələbə şəhərciyinə yönləndirilir: 

 
"Hazırda yataqxanamızda 170 tələbə qız yaşayır. Hələ boş yerlər də qalmaqdadır. Ümumilikdə 206 yerimiz var. Bu isə kifayət qədər yaxşı göstəricidir”.

Aytəkin Mehdiyevanın fikrincə, Azərbaycanda ən yaxşı yataqxanalardan biri ADU-ya məxsusdur. Ən əsas üstün cəhətlərindən biri kimi ümumi şəraitiniyaxşı olması göstərilir. Müsahibimiz deyir ki, yataqxanada yaşayan tələbə qızların  istənilən problemi dinlənilir, onları həll etməyə çalışırlar. Yaxın zamanlaradək tələbələrin əsas problemlərindən biri istilik sistemi ilə bağlı olub, ancaq rektor Kamal Abdullanın sayəsində bu məsələ həllini tapıb. Bundan başqa, oxu zalı yaradılıb,tələbələrin  qaldığı otaqlaryenidən əsaslı təmir olunub.

Tələbə Həmkarlar Təşkilatının sədri bildirdi ki, yaxın zamanlar üçün hazırladıqları layihələr də var: 

"Biz hər zaman çalışırıq ki, tələbələrimiz razı qalsınlar. Yataqxanada hər şey əla səviyyədədir deməzdim. Təbii ki,hələ də bəzi problemlər qalmaqdadır. Bunlardan biri internetlə bağlıdır. Hələ ki bütün yataqxana binası internetlə tam təmin edilməyib. Amma tezliklə bu problem də aradan qaldırılacaq”.
 
ADU tələbələri yataqxanada yaşamaqda maraqlıdırlar. Bu da təbiidir, çünki kirayə evlərdə qalmaq xeyli baha başa gəlir. Yataqxanada isə az məbləğ ödəməklə yaşayışı yeri problemindən qurtarmaq olur. Amma yerlər məhdud olduğundan heç də hamı yataqxanadan yararlana bilmir.

Tələbənin yaşayış vəziyyəti haqda məlumatı onun öz dilindən eşitmək üçün özlərilə də söhbətləşməyə çalışdıq.

Yataqxananın komendantı Sevinc Əliyeva bildirdi ki, burada yaşayan gənclər yalnız bir əcnəbini çıxmaq şərtilə əsasən azərbaycanlılardır: 
"O əcnəbi də Türkmənistan vətəndaşı Cəmilə Hacıbabayevadır”. 

Təəssüf ki, özü imtahanda olduğu üçün onu görə bilmədik. Birinci kursda oxuyur. 

Komendant Sevinc Əliyeva dedi ki, son illərdə yataqxana çox dəyişilib: "Əgər siz bir neçə il əvvəl yataqxananı görsəydiniz, indiki ilə müqayisə edə bilərdiniz. Kitabxana və arxivdə əsaslı təmir işləri aparılıb. İstilik sistemi qurulub,kondisioner,kombi ilə təmin edilib. Ayrıca oxu zalımız da var. Tələbələr kitablarla təmin edilir,imtahana hazırlaşırlar”.

Biz də oxu zalı ilə tanış olmaq istədik. Oxu zalı kifayət qədər böyük idi. Tələbələr dərs oxuyurdular. Oxu zalında kifayət qədər kitab gözə dəyir. Oxu zalında televizor belə var.

Tələbələrin otaqlarına da baxdıq. Komendant dedi ki, bu il tələbələrin yataq və yataq dəstləri dəyişdirilib və ən əsası ikimərtəbəli çarpayılar gətirilib. Otaqlarda kondisioner,soyuducu,istilik cihazları qoyulub. 
 
Alman dili müəllimliyi ixtisasında təhsil alan  Fatimə Əhmədova yataqxanada hər şeyin qaydasında olduğunu dedi: 

"Demək olar, heç bir problemim yoxdur. Kitab, dərs vəsaiti cəhətdən sıxıntı çəkmirəm. Hər hansı problem olduğunda çəkinmədən komendant Sevinc xanıma müraciət edirəm”.

Üçüncü kurs tələbəsi Nigar Məhərrəmova bildirdi ki, bir problem yarananda universitet rəhbərliyi həmən müdaxilə edir.
 
O, yataxanın komendantının qadın olmağını da ayrıca üstünlük hesab edir. Çünki qızlar bütün problemlər barədə qadın komendanta daha yaxşı danışa bilirlər.

İngilis dili müəllimliyi ixtisasında təhsil alan Səkinə Musayeva təhlükəsizlik məsələsinə toxundu:
 
"Təhlükəsizlik baxımından hər şey qaydasındadır. Yataqxanaya üstünlük verməyimin əsas səbəblərindən biri də elə budur. Çox rahatam”.

Dördüncü kurs tələbəsi Nərmin Muradova da yataqxanadakı şəraitdən razılıq etdi:
 
"Buranı seçməyimin əsas səbəbi təhlükəsizlikdən əlavə, həm də məvacib cəhətdən daha qənaətli olmasıdır. Üstəlik hər bir şərait bizim üçün təmin edilib”.

Digər tələbə Şəhla Abdullayeva da bu fikirlərlə razılaşdı.

Komendant Sevinc Əliyeva bildirdi ki, yataqxananın təhlükəsizliyi ciddi şəkildə qorunur. Səhər 7:00-da qapılar açılır və saat 23:00-da bağlanır. Bütün tələbələrə bildirilib ki, saat 23:00-dan sonraya qalmasınlar. Valideynləri də daxil olmaqla, onlara baş çəkməyə gələn hər kəsdən şəxsiyyət vəsiqəsi alınır, yataqxanadan ayrılanda qaytarılır.

ADU-da hazırda qış imtahan sessiyası davam edir. Yataqxana sakinlərini indi əsas düşündürən məsələ də məhz imtahanlara yaxşı hazırlaşmaqdır. Bunu kənardan müşahidə etmək çətin olmadı.

Yataqxanadan ayrılanda qızlara imtahan sessiyasında uğurlar arzulamağı unutmadıq...










Whatsapp'ta Paylaş

Загрузка...
loading...

Həmçinin oxuyun:
Tələbələr diplom aldıqdan sonra iş tapa biləcəklərmi? -SORĞU

Tələbələr diplom aldıqdan sonra iş tapa biləcəklərmi? -SORĞU

700 bal toplayan tələbələr qış imtahanını necə verir?!

700 bal toplayan tələbələr qış imtahanını necə verir?!

Pedoqoji Universitetin rektoru tələbələrə əlçatandırmı...

Pedoqoji Universitetin rektoru tələbələrə əlçatandırmı...

Neft və Sənaye Universitetinin rektoru tələbələrə əlçatandırmı...

Neft və Sənaye Universitetinin rektoru tələbələrə əlçatandırmı...

Bölgə universitetlərinin tələbələri paytaxt tələbələrinə həsəd aparırlar: “Bizdən öndədirlər”

Bölgə universitetlərinin tələbələri paytaxt tələbələrinə həsəd aparırlar: “Bizdən öndədirlər”

Tələbə Həmkarlar Təşkilatının tələbələrə nə köməyi dəyir?

Tələbə Həmkarlar Təşkilatının tələbələrə nə köməyi dəyir?

Universitetdən inanılmaz addım: 1 gün dərsə gəlməyən tələbəni qovurlar

Universitetdən inanılmaz addım: 1 gün dərsə gəlməyən tələbəni qovurlar

Bakı Slavyan Universitetinin rektoru II kurs tələbələri ilə görüşüb

Bakı Slavyan Universitetinin rektoru II kurs tələbələri ilə görüşüb

ADU bir gün xəlifələrin ixtiyarına verildi - REPORTAJ +FOTOLAR

ADU bir gün xəlifələrin ixtiyarına verildi - REPORTAJ +FOTOLAR

700 bal toplayan tələbələr necə oxuyurlar...

700 bal toplayan tələbələr necə oxuyurlar...

ADU-nun rektoru tələbələr üçün əlçatandırmı?

ADU-nun rektoru tələbələr üçün əlçatandırmı?

Bakı Mühəndislik Universiteti tələbələrinə ayrıca yataqxana verib

Bakı Mühəndislik Universiteti tələbələrinə ayrıca yataqxana verib

Bakıdakı universitetlər: “Tələbələrimizə yer verə bilmirik” - PROBLEM

Bakıdakı universitetlər: “Tələbələrimizə yer verə bilmirik” - PROBLEM

Yataqxana problemi və universitetlərin planları

Yataqxana problemi və universitetlərin planları

Tələbələrin çözülməyən yataqxana problemi

Tələbələrin çözülməyən yataqxana problemi

Abel Məhərrəmov: “Yeddi min tələbə üçün böyük yataqxana kompleksi inşa olunacaq”

Abel Məhərrəmov: “Yeddi min tələbə üçün böyük yataqxana kompleksi inşa olunacaq”

Abel Məhərrəmov: “Yeddi min tələbə üçün böyük yataqxana kompleksi inşa olunacaq”

Abel Məhərrəmov: “Yeddi min tələbə üçün böyük yataqxana kompleksi inşa olunacaq”

Sumqayıt Dövlət Universitetinin yanğın baş verən yataqxanasında tələbələr yaşamayıb

Sumqayıt Dövlət Universitetinin yanğın baş verən yataqxanasında tələbələr yaşamayıb

Sumqayıt Dövlət Universitetinin tələbə yataqxanasında yanğın baş verib

Sumqayıt Dövlət Universitetinin tələbə yataqxanasında yanğın baş verib

Səbail rayonunun məktəblərində təmir işləri aparılır

Səbail rayonunun məktəblərində təmir işləri aparılır

Azərbaycan Tibb Universitetinin nəzdində fəaliyyət göstərən yataqxananın əsaslı təmirdən sonra açılışı olub

Azərbaycan Tibb Universitetinin nəzdində fəaliyyət göstərən yataqxananın əsaslı təmirdən sonra açılışı olub

Dillər Universiteti ilə Bakı Slavyan Universiteti birləşdiriləcək?-iddialar

Dillər Universiteti ilə Bakı Slavyan Universiteti birləşdiriləcək?-iddialar

Universitetlərimizin təhlükəsizliyi necə qorunur?...

Universitetlərimizin təhlükəsizliyi necə qorunur?...

TƏLƏBƏLƏRƏ 7 MİN MANAT KREDİT VERİLƏCƏK-Nadir İsrafilov rəy bildirir

TƏLƏBƏLƏRƏ 7 MİN MANAT KREDİT VERİLƏCƏK-Nadir İsrafilov rəy bildirir