“Deyəcəm ki, səni leylək gətirib” - Müəllim olmaq istəyən namizəd
Avqust ayının 21-dən etibarən başlayan müəllimlərin işə qəbulu üzrə müsabiqənin müsahibə mərhələsi davam edir.
Təhsil Nazirliyindən verilən məlumata görə, müsahibə mərhələsində diqqət çəkən məqamlardan biri dini qaydalara uyğun geyinən namizədlərin sayının çox olmasıdır.
Komissiya üzvü Zöhrab Kəlbəliyev dini qaydanın tələbilə geyinmiş namizədin məktəb qayda-qanunlarına nə dərəcədə uyğun olduğu sualına cavab olaraq bildirib ki, müsahibə zamanı yalnız namizədlərin proqrama nə dərəcədə uyğun olduğunu müəyyənləşdirilir: "Məktəb proqramından kənara çıxan suallar verilmir. Müəllim pedaqoji fəaliyyətə nə dərəcədə hazırdır, dərsi necə quracaq, metodları necə müəyyənləşdirməyi düşünür, ayrı-ayrı sahələr üzrə ümumi fikri necədir, özünə inamlıdırmı kimi məsələlərə aydınlıq gətiririk. Əlbəttə, müəllim geyimi ilə nümunə olmalıdır. Ancaq bu məsələ məktəb mühitində həllini tapmalıdır. Təbii ki, yaxşı olardı ki, müsahibəyə də müəllimdən tələb olunan geyimdə gəlsinlər. Ancaq sərbəst geyimə də irad tutmuruq. Çünki müsahibənin proqramına müəllimin geyimi ilə əlaqədar tələblər salınmayıb. Müsahibədən keçməməsinin səbəbi məhz cavabları olacaq, geyimi yox”.
Komissiya üzvü Rasim Məmmədov da hesab edir ki, dini geyimə icazə verilib-verilməməsi məktəbdə həll olunur: "Biz geyimdən çox dünyagörüşünə önəm veririk. Dini qaydada geyinən namizədlərlə bağlı qərar verərkən özünün dini etiqadının müəllimliyinə nə qədər təsir edəcəyini müəyyənləşdirməyə çalışırıq. Məsələn, birindən soruşduq ki, "Şagirdiniz insanın necə yarandığını soruşsa, nə cavab verəcəksiniz?”. Cavabı hamımızı təəccübləndirdi: "Deyərəm, leylək gətirib”. Başqa biri isə "Gedin valideyninizdən soruşun, deyərəm”, - cavabını verdi”.
Qeyd edək ki, bu həftə müsahibə mərhələsi də yekunlaşır. Müsahibənin nəticələri növbəti həftənin əvvəli hər bir müəllimin şəxsi səhifəsində yerləşdiriləcək. Komissiya üzvü Firudun Həmzəyevin fikrincə, "kim necə müəllim olacaq?” sualının cavabı da məhz onda üzə çıxacaq: "Namizədlərin müəllimlik üçün bütün tələblərə cavab verib-vermədikləri məhz məktəblərdə bəlli olacaq. 5-10 dəqiqə söhbətlə bunu indi müəyyən etmək olmaz. Onu sinifdə yoxlamaq lazımdır ki, görək uşaqları ələ ala bilirmi, öyrədə bilirmi, öyrətmək üçün özü müvafiq bazaya malikdirmi? Ən yüksək savad və dünyagörüşə sahib elə namizədlər olur ki, sinifdə uşaqları ələ ala bilmir, heç nə öyrətmir. Bir sözlə, bu seçimlərin nəticəsi necə olacaq, məktəblərdə bəlli olacaq”.
TN: Müəllimliyə namizədlər arasında bayrağın rənglərinin mənasını, 20 Yanvarın mahiyyətini bilməyənlər olub
Müəllimlərin işə qəbulu üzrə müsahibə zamanı 11 saxta diplom aşkarlanıb
Müəllim olmaq istəyənlərin nəzərinə - Sabah son gündür
Müəllimlərin işə qəbulu üzrə müsahibə mərhələsində yenilik edilib
Müəllimlərin işə qəbulu üzrə müsabiqənin müsahibə mərhələsi sabah başa çatacaq
Ali təhsili olmayanların dövlət qulluğu ilə bağlı müsahibə komissiyasının üzvü olması qadağan edilib
Təhsil Nazirliyi: İşə qəbul olmaq istəyən 5225 müəllim müsahibədən keçirilir
Müəllimlərin işə qəbulu üzrə müsabiqənin vakansiya mərhələsi başlayıb
Müəllimlərin işə qəbulu üzrə müsabiqənin vakansiya seçiminin nəticələri açıqlanıb
Qabiliyyət imtahanlarına 2 minədək müəllim cəlb olunub
Dövlət qulluğuna qəbulla bağlı müsahibələr ödənişsiz olacaq
İşə qəbul üzrə Müsabiqənin keçirilməsi,Qaydaların pozulmasına görə məsuliyyət
Müəllimlərin işə qəbulunda yenilik - NAZİRLİK AÇIQLAMA VERDİ
Müəllimlərin işə qəbulu üzrə müsabiqənin test mərhələsi başa çatıb
Dövlət Komitəsi: Orta məktəblərdə dinin tədrisindən söhbət gedə bilməz
Təhsil Nazirliyi açıqladı: Müəllimlərin işə qəbulu ilə bağlı daha bir vacib YENİLİK
"Bu il direktor olmaq istəyən namizədlərin rekord sayda olacağı gözlənilir"
Müəllimlərin işə qəbulu üzrə müsabiqənin ikinci mərhələsi–test imtahanı başa çatıb.
Müəllimlərlə bağlı yeni qaydalar
İmtahanda yüksək bal toplayan müəllimələri siz də tanıyın - FOTO
İş yerini dəyişmək istəyən 2107 müəllimdən yalnız 345 nəfəri növbəti mərhələyə keçə bilib
Müəllim olmaq istəyənlərə şad xəbər/bu il müsabiqəyə 10 000 vakant yer var
İdman müəllimlərin fiziki bacarıqları yoxlanılıb
İki gündə müəllim olmaq istəyən səkkiz minə yaxın şəxs imtahan verib