Yeni tədris ilindən veb-dizayner ixtisası üzrə kadr hazırlığına başlanılır

Dövlət-biznes tərəfdaşlığı çərçivəsində Sənaye və İnnovasiyalar üzrə Bakı Dövlət Peşə Təhsili Mərkəzi 2017-2018-ci tədris ilindən veb-dizayner ixtisası üzrə kadr hazırlığına başlayır.

Təhsil Nazirliyindən bildiriblər ki, məzunlar veb-dizayner ixtisası üzrə pulsuz təhsil alaraq yerli və beynəlxalq əmək bazarının tələblərinə cavab verən mütəxəssis kimi yetişmək imkanı qazanacaqlar. Təhsillərini müvəffəqiyyətlə başa vurmuş məzunlara dövlət nümunəli peşə diplomu ilə yanaşı, beynəlxalq səviyyədə tanınan sertifikat da veriləcək. Təhsil müddəti 1 ildir. Seçimlərdə tam orta təhsilli şəxslər iştirak edə bilərlər. Dövlət hesabına ilk peşə-ixtisas təhsili almış şəxslər seçimlərdə iştirak edə bilməzlər.

Ərizələrin qəbulu "ASAN xidmət” mərkəzlərində aparılacaq.

"ASAN peşə” layihəsi çərçivəsində ilk peşə-ixtisas təhsili müəssisələrinə də sənəd qəbulu davam edir. Ərizə qəbulu üçün şəxsiyyət vəsiqəsi və təhsil haqqında sənəd (şəhadətnamə və ya attestat) tələb olunur. İlk peşə-ixtisas təhsili müəssisələrinə sənəd vermiş şəxslər 10 ixtisas seçmək hüququna malikdir. Şagird qəbulu şəhadətnamə və attestat üzrə müvafiq fənlərin orta balı nəzərə alınmaqla həyata keçirilir.

Ərizələrin qəbulu avqustun 22-dək "ASAN xidmət” mərkəzlərinin və müvafiq təhsil müəssisələrinin sənəd qəbulu komissiyalarında ödənişsiz formada aparılır.

Məqalə Göndər

Загрузка...

Həmçinin oxuyun:

İlk peşə-ixtisas təhsili müəssisələrinə sənəd qəbulu başlayıb

“ASAN peşə” layihəsi üzrə sənəd qəbulu başlayır

Cari ilin sonunadək rasionallaşdırılmış peşə təhsili müəssisələrində çalışan ixtisas fənn müəllimlərinin bilik və bacarıqlarının diaqnostik qiymətləndirilməsi nəzərdə tutulur